कैद र जरिवानाबापतको १५ करोड ४७ लाख असुल हुन बाँकी

  • प्रकाशित मितिः असार 28, 2075
  • नवराज कट्टेल
  • 27 पटक पढिएको

विराटनगर/ अदालतबाट फछ्र्योट मुद्दाबापत बुझाउनुपर्ने जरिवानाको रकम फछ्र्योटमा समस्या देखिएको छ ।

जिल्ला अदालत मोरङबाट फछ्र्योट मुद्दामार्फत् उठ्नुपर्ने ठूलो रकम अझैसम्म फछ्र्योट हुन नसकेको देखिएको हो । जिल्ला अदालत मोरङबाट मात्रै फछ्र्योट मुद्दाबापत १५ करोड ४७ लाख २६ हजार २ सय ९३ रुपैयाँ उठ्नुपर्ने देखिन्छ ।

जिल्ला अदालत मोरङका प्रमुख जिल्ला न्यायाधीश राजुकुमार खतिवडाका अनुसार कैद र जरिवानाको सजाय आदेश भएका मुद्दाबापतको ठूलो रकम उठाउन सकिएको छैन । बुधबार चालु आर्थिक वर्षमा जिल्ला अदालत मोरङबाट मुद्दातर्फको फछ्र्योट विवरण सार्वजनिक गर्दै प्रमुख जिल्ला न्यायाधीश खतिवडाले सजाय तोकिएका व्यक्तिहरू नियन्त्रणमा पर्न नसक्दा ठूलो रकम फछ्र्योट हुनुपर्ने देखिएको बताएका छन् ।

अपराधमा सजाय तोकिएका व्यक्तिले ५ हजार ६४ वर्ष १ महिना २१ दिनको कैद भुक्तान गर्नुपर्ने देखिन्छ । १ वर्षको अवधिमा १ हजार १ सय ७९ वर्ष १ दिनको कैद भुक्तान गर्नुपर्ने व्यक्तिमार्फत् १ करोड ९९ लाख ५२ हजार ३ सय १९ रुपैयाँ असुली गरिएको न्यायाधीश खतिवडाले जानकारी दिएका हुन् ।

अदालतले विशेष अभियानमार्फत् १ वर्षको अवधिमा १ सय ९६ जना व्यक्तिमार्फत् ५३ लाख ६६ हजार ६ सय ९९ रुपैयाँ असुली गरेको हो । त्यस्तै, १ सय ८ वर्ष ३ महिना २१ दिन कैद भुक्तान गराउन सफल भए पनि अझै कैद र जरिवाना रकम फछ्र्योटको अवस्था न्यून देखिएको छ ।

मोरङ जिल्ला अदालतमा १ वर्षको अवधिमा ४ हजार २ सय ६० नयाँ मुद्दा दर्ता भएका छन् । त्यसबाहेक जिम्मेवारी सरेर आएका २ हजार २ सय १३ मुद्दा समेत थिए । नयाँ दर्ता भएका र जिम्मेवारी सरेर आएका ६ हजार ४ सय ७३ मुद्दामध्ये ३ हजार ८ सय ९४ मुद्दा फछ्र्योट भएको प्रमुख जिल्ला न्यायाधीश खतिवडाले पत्रकार सम्मेलन गरेर जानकारी दिएका छन् ।

विभिन्न तहको निर्वाचन लगायतको प्रभावका कारण पनि ६० प्रतिशत मुद्दा फछ्र्योट भएको उनले बताएका छन् । अहिले अदालतमा १८ महिना नाघेका २ सय ४२ मुद्दा र ९३ थुनुवा मुद्दा छन् । अदालतले मेलमिलापबाट १ वर्षमा १ सय ६१ मुद्दाको फछ्र्योट गरेको तथ्यांक छ ।

निरन्तर सुनुवाइ गर्नुपर्ने ३ सय ५४ मुद्दा अदालतमा दर्ता भएकामा १ सय ८३ मुद्दा फछ्र्योट भएका छन् भने बाल इजलाससँग सम्बन्धी २८ मुद्दामध्ये २१ फछ्र्योट भएको खतिवडाले बताएका हुन् । अदालतले फैसला कार्यान्वयनतर्फका ८ सय ६७ मुद्दामध्ये ५ सय ९९ मुद्दा कार्यान्वयनमा ल्याएको छ भने २ सय ६८ विचाराधीन रहेको बताइएको छ ।

अदालतका स्रेस्तेदार नवराज दुलालका अनुसार सबैभन्दा बढी मुद्दा अंश र सम्पत्तिसँग सम्बन्धित छन् । १ वर्षको अवधिमा १ हजार ७५ अंशसँग सम्बन्धित मुद्दामध्ये ५ सय ८६ मुद्दा फछ्र्योट भएका छन् । त्यससँगै सम्बन्ध विच्छेदका ८ सय ६६ मुद्दा दर्ता भएकोमा ६ सय ७७ मुद्दा फछ्र्योट भएको दुलालले जानकारी दिए । माना चामलकै मुद्दा समेत ३ सय ५१ मध्ये १ सय ७९ फछ्र्योट भएको देखिन्छ ।

घरेलु हिंसाका ७६ मध्ये ३७ मुद्दा फछ्र्योट भएका छन् भने लागु औषधका २ सय ८८ मुद्दामध्ये २ सय २३ मुद्दा फछ्र्योट भएका छन् ।

दुलालका अनुसार जबर्जस्ती करणीका १ सय ५८ मध्ये ९६ मुद्दा, मानव बेचबिखन तथा ओसार–पसारका १० मुद्दामध्ये ४ मुद्दा, अपहरण तथा शरीर बन्धकका ७ मुद्दामध्ये २ मुद्दा, बहुविवाहका ३२ मध्ये २१ मुद्दासहित सरकार वादी मुद्दाहरू ४ सय ९० मध्ये ३ सय ४३ मुद्दा फछ्र्योट भएका छन् ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

शिक्षा सेवामा सोधिने सम्भावित प्रश्नहरुको संगालो

 डि.एन. यादबशैक्षिक जनशक्ति तालिम निति कहिले बनेको हो ?– २०६२माध्यमिक शिक्षा पाठ्यक्रम ढाचा २०६४ अनुसा

सबैजसो क्षेत्र राजनीतिबाट प्रभावित

सुरेन्द्र साहठूलो भएपछि के बन्छौ ?श्र कसैले सोध्यो भने धेरैको जवाफ हुन्छ , डाक्टर, इन्जिनियर, पायलट समाजसे

सुखीपुरकी सानुमैयाको गीत सुनेर सबैको मन मोहित

    1 मोहे रंग दो लाल मोहे रंग दो लाल नंद के लाल लाल छेड़ो नहीं बस रंग दो लाल मोहे रंग दो लालदेखूं

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६