२४ परिवारको त्रिपालमुनि बास

  • प्रकाशित मितिः असार 27, 2075
  • उत्तम पोख्रेल
  • 512 पटक पढिएको

बेलबारी/ रतुवामाई नगरपालिका ३ महादेवा पिडारी चोक नजिकै रहेको प्रति टोलका २४ घर परिवार भोक न निद्राको अवस्थामा पुगेका छन । बाढीका कारण उनीहरू विस्थापित भएका हुन् ।

केही दिन अघि आएको बाढीका कारण रतुवा खोलाले धार परिवर्तन गरेपछि विस्थापित भएका उनीहरू सडक किनारामा रहेको खाली जग्गा भाडामा लिएर बस्न थालेका छन् । पीडितका अनुसार नगरपालिकालाई स्थानीयको हस्ताक्षरसहित चैत महिनामा सो खोलामा तटबन्धका लागि लिखित पत्र दिइएको थियो ।

बाढीका कारण स्थानीय गणेशलाल दासको २ बिघा खेतीयोग्य जमिन बगरमा परिणत भएको छ । सो खेतमा तरकारी खेती गरेर उनी परिवार चलाउँदै आएका थिए । त्यसैगरी गोविन्द सिंहले लगाएको १ बिघा क्षेत्रफलको सनपाट खेती र मुङ खेती खोलाले बगाएको छ ।

बाढीपीडित भएको थाहा पाएपछि भुजा, चिउरा, लिएर राहत बाँड्न भन्दै आउनेहरूले खोलाको व्यवस्थापन गर्ने बारेमा भने नसोचेको पीडितको भनाइ छ । ४५ वर्षीया चन्द्रादेवी दास पनि उत्तिकै पीडित छिन् ।

पीडितहरू अहिले खुला आकाशमुनि त्रिपालको सहारामा बसिरहेका छन । बालबालिकाहरूलाई अझै बढी समस्या रहेको देख्न सकिन्छ । दिनभर त जसोतसो गरेर बिताए पनि गर्मीका कारण खेत र सडकको किनारमा रात बिताउनुपर्ने पीडितको बाध्यता रहेको छ । खुला ठाउँमा शौच गर्दा झाडापखालाको प्रकोप फैलिने समेत उत्तिकै भय छ ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

गरिब दलित बिरामीको उपचार गर्न तलबबाट महिनाकाे ५ हजार दिने: नगर प्रमुख पासमान

सराेज कुमार पासमान कर्जन्हा। सिरहाकाे कर्जन्हामा रहेकाे फु.कु.म.मे. हस्पिटलमा आजबाट आमा तथा नवजात शिशु सु

कमजोर वर्गको अधिकारबारे चर्चा

काठमाडौं । पिछड़ा वर्गका पूर्व का़वा अध्यक्ष एवं केन्द्रीय सल्लाहकार तथा जनकपुर चुरोट कारखानाका पूर्व मह

अवैध बलुवा गिट्टी सहित ३ ट्याक्टर छोडियो

मुकेश यादव लहान / अवैध रुपमा बलुवा गिट्टी उत्खनन गरेको ३ वटा टयाक्टर लाई जिल्ला समन्वय समितिले आर्थिक प्रभ

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६