गाडी किन्ने रकमले एम्बुलेन्स

  • प्रकाशित मितिः असार 25, 2075
  • 211 पटक पढिएको

गाउँपालिका प्रमुख मोटरसाइकलमा
मनोज पौडेल
कपिलवस्तु / सामान्य पहिरन । कुनै तडकभडक छैन । पदमा पुगे पनि सर्वसाधारणजस्तै देखिन्छन् । सानाठूलालाई सरोवरी व्यवहार गर्छन् शुद्धोदन गाउँपालिका अध्यक्ष निसार अहमद खाँ । जिल्लामा गाडी नचढ्ने उनी एक्ला स्थानीय तह प्रमुख हुन् ।
योजना अनुगमन गर्न मोटरसाइकलमा जाँदै कपिलवस्तुको शुद्धोदन गाउँपालिका प्रमुख निसारअहमद खाँ । तस्बिर स् मनोज

मोटरसाइकल चढेर गाउँपालिकाको काम सम्हाल्दै आएका छन् । यहाँका १० स्थानीय तहमध्ये उनी मात्र मोटरसाइकल चढ्छन् । ६ नगर र ३ गाउँपालिका प्रमुखरअध्यक्ष वातानुकूलित गाडी चढ्छन् । कतिपय उपमेयररउपाध्यक्षले गाडी सुविधा लिएका छन् ।

स्थानीय तहका प्रशासकीय अधिकृतलाई गाडी सुविधा छ । धेरै तहले गाडी भाडामा लाखौं खर्च गरिरहेका छन् । ‘गाडी आवश्यक ठान्दिनँ,’ अध्यक्ष खाँले भने, ‘त्यो सोख हो । जनताको करले सोख पूरा गर्नु उचित लागेन ।’ उपचार नपाएर गाउँलेले अकालमा ज्यान गुमाउन परिरहेकाले गाडी सुविधा लिनुभन्दा एम्बुलेन्स खरिदलाई प्राथमिकता दिएको उनले बताए । ‘गाउँपालिका सभामा सबैले गाडीका लागि बजेट छुटयाउन दबाब दिएका थिए तर मैले मानिनँ,’ उनले भने, ‘त्यसपछि १५ लाख बजेटमा छुटाइयो ।’ त्यसमध्ये ११ लाख रुपैयाँमा एम्बुलेन्स खरिद गरियो । बाँकी रकमले एम्बुलेन्स राख्न ग्यारेज बनाइयो । १ महिनायता एम्बुलेन्स सञ्चालनपछि गाउँले पनि खुसी छन् । भाडा अन्यको भन्दा आधा सस्तो छ ।

बिहान साढे ९ बजे खाना खाइवरी लु१३प ६५३६ नम्बरको मोटरसाइकल चलाएर गाउँपालिका पुग्छन् । शुद्धोदन ६, महादेवाबाट आधा घण्टामा कार्यालय पुग्छन् । कामको चाप हेरेर २ देखि ३ घण्टा कार्यालय बस्छन् । त्यसपछि विकास निर्माण योजना अनुगमनमा जान्छन् । प्रशासकीय अधिकृत प्रेम खनाल उनको मोटरसाइकलको पछाडि बस्छन् । सम्बन्धित वडाध्यक्ष र सदस्यलाई सँगै लिएर उनी अनुगमन गर्छन । उनी सामान्य लेखपढ गर्न सक्छन् । ०४८ को स्थानीय निर्वाचनमा साबिक बाँसखोर गाविसको उपाध्यक्ष र ०५४ मा अध्यक्षमा निर्वाचित भएका थिए ।

मोटरसाइकलभन्दा माथिका सवारीसाधन चढ्ने आफनो हैसियत नभएको उनले बताए । गाउँसभाले मासिक ६० लिटर पेट्रोल सुविधा दिएको छ । तर, निर्वाचित भएदेखि १ लिटर पनि लिएका छैनन् । ‘नाजायज सुविधा लिनुभएन,’ उनले भने, ‘घरको खेतबारीले खान पुगेकै छ ।’ आफूले सुविधा लिए अन्य पदाधिकारीको पनि ध्यान त्यतै जाने उनी बताउँछन् ।

‘एक्लैले सुधार गर्छु भनेर हुँदैन,’ उनले भने, ‘सबैले सहयोग गरे त्यो असम्भव पनि छैन ।’ विकास समान अधिकार भएको देखाउन उनले प्रत्येक वडालाई २ करोड २५ लाख रुपैयाँका योजना बनाउने अधिकार सुम्पिएका छन् । उपाध्यक्ष सुधादेवी पाण्डेलाई पनि ८३ लाख रुपैयाँका योजनाका लागि बजेट छुट्याएको उनले बताए । ‘सबैको अपनत्व भयो भने विकासको अनुभूति हुन्छ,’ उनले भने, ‘त्यही भएर काखापाखा नगरी बजेट विनियोजन गरेको छु ।’ चालु आर्थिक वर्षमा गाउँपालिकाले १८ करोड रुपैयाँमा २ सय ७५ योजना सञ्चालन गरेको थियो । ९० प्रतिशत योजना पूरा भइसकेका छन् ।

‘विकासप्रतिको लगाव अध्यक्षमा अत्यधिक छ,’ प्रशासकीय अधिकृत खनालले भने, ‘व्यक्तिगत र दलगत स्वार्थ नहँुदा काम गर्न सजिलो भएको छ ।’ पछिल्लोपटक राष्ट्रिय जनता पार्टीमा रहेका उनी आफ्नो दलले स्थानीय निर्वाचन बहिष्कार गरेपछि स्वतन्त्र उम्मेदवार बनेका थिए । ‘म स्वतन्त्र छु,’ उनले भने, ‘कुनै पार्टीमा नगई काम गरेर जनताको मन जित्छु ।’ फरक दलको भए पनि अध्यक्षको सहयोगी भावनाले सिंगो गाउँपालिकामा विकासले तीव्रता पाएको उपाध्यक्ष सुधादेवी पाण्डेले बताइन् ।
पाण्डे कांग्रेसबाट उपाध्यक्षमा निर्वाचित भएकी हुन् । (स्रोत– ईकान्तिपुर )

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

शिक्षा सेवामा सोधिने सम्भावित प्रश्नहरुको संगालो

 डि.एन. यादबशैक्षिक जनशक्ति तालिम निति कहिले बनेको हो ?– २०६२माध्यमिक शिक्षा पाठ्यक्रम ढाचा २०६४ अनुसा

सबैजसो क्षेत्र राजनीतिबाट प्रभावित

सुरेन्द्र साहठूलो भएपछि के बन्छौ ?श्र कसैले सोध्यो भने धेरैको जवाफ हुन्छ , डाक्टर, इन्जिनियर, पायलट समाजसे

सुखीपुरकी सानुमैयाको गीत सुनेर सबैको मन मोहित

    1 मोहे रंग दो लाल मोहे रंग दो लाल नंद के लाल लाल छेड़ो नहीं बस रंग दो लाल मोहे रंग दो लालदेखूं

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६