फोहोर पुछ्ने जोशिला युवा

  • प्रकाशित मितिः असार 18, 2075
  • मधेश स्पेशल
  • 118 पटक पढिएको

इटहरी/ केही हप्ता अघिको शनिबार इटहरीको मुुख्य बजारमा एक हुल युवाले बगंैचा सिँगारिरहेका थिए ।

मुुख्य बजारको गोल चोकमा रहेको सो बगैंचा इटहरीको मुटु जस्तै छ । अर्थात्, पूर्वपश्चिम राजमार्ग र कोशी राजमार्गको दिशा छुुट्याउने उक्त संरचनालाई बगैंचाले थप आकर्षक बनाएको छ ।

चोकमा टाँगिएका तुल, ब्यानर र टाँसिएका पर्चा हटाइरहेका युवाको टोलीलाई यात्रुले आँखा तानीतानी हेरिरहेका थिए । धेरैले उनीहरूको प्रशंसा गरे । कतिले जिब्रो टोके । ती युवाको टोली कहिले इटहरीका नालीभित्र मरेका पशुुहरू निकाल्छ त कहिले धुलो बढारेर नगर स्वच्छ बनाउने कार्य जारी राख्छ । तर, उनीहरूलाई स्थानीय सरकारले उपेक्षा गरेको छ । इटहरी सरकारले आफ्नै आँगन बारम्बार सफा गर्ने यी युवालाई भर्खरै सम्पन्न विश्व वातावरण दिवसको दिन सम्झेन । बरु व्यापारी भेला गरेर दिवस मनाउन भ्यायो । धेरैलाइ कौतुहलता छ, ‘को हुन् यी युवा र कसरी निःस्वार्थ ढंगले नगर सफाइ गरिरहेका छन् ?’

यसरी फोहोरमा हात हाल्ने युवाको समूह ‘बुल्स इलेभेन’ क्लब हो । २०५५ सालमा फुटबल खेलप्रेमी पूर्ण राईलगायतले सो क्लबको सुरुवात गरेका थिए । ‘फुुटबल खेलमा ११ जना खेलाडी हुन्छन् । त्यही आधारले क्लबको नाम ‘बुल्स इलेभेन’ रहन गएको हो,’ राईले भने । विविध कारणले क्लब चुस्त रूपमा सञ्चालन हुन सकेन । सँगै मिल्ने साथीहरू आ–आफ्नो बाध्यताले अलग–अलग भए । तर इटहरीमा नै रहेका पूर्णले भने क्लबलाई कसरी जीवन्त बनाउने भन्ने सोचे र २०७३ साल चैत २२ गतेदेखि इटहरीको सफाइ अभियानमा नेतृत्व गर्न कम्मर कसे । उनलाई साथ दिए स्थानीय व्यवसायी हेमसागर निरौलाले ।

हुन त यो भन्दा अघि पनि नागरिक स्तरमा बृहत सफाइको शुरुवात नभएको होइन । इटहरीमा नौलो कामको थालनी गर्दै बिना पदाधिकारी स्वतस्फूर्त रूपमा जन्मेको किप इटहरी क्लिन (केआइसी) अहिले ‘कोमा’मा छ । नगरको फोहोर सफाइ गरेर चौतर्फी चर्चा बटुलेको संस्था गुमनाम जस्तै भएपछि अहिले इटहरीका युवाहरूको बुल्स एलेभेन क्लबले शहरको इज्जत धानेको छ ।

जनप्रतिनिधिलाई नाला सफाइ तथा अन्य व्यवस्थित सफाइका लागि बारम्बार आवाज उठाउँदा सडकले बाटो लगिहाल्छ, पछि गरौँला भन्ने जवाफ आउँछ । तैपनि उनीहरू निराश छैनन् । हरेक हप्ता इटहरी तथा आसपासका सामाजिक महत्व झल्किने स्थानमा फोहोर उठाउन पुगिहाल्छन् ।

राई र निरौलाले अहिले क्लबको प्रमुख र उप प्रमुखको जिम्मेवारी सम्हाल्दै आएका छन् । शुरुका दिनदेखि करिब डेढ सय युवा हरेक हप्ता इटहरीका विभिन्न स्थानको सफाइ गर्दै निस्किन्थे । जुलुस जस्तो हुने यस क्लबका युवाको आकार हप्तैपिच्छे घट्दै जान थाल्यो । तर राई र निरौलाले हरेश खाएनन् । १४ महिनामा आइपुुग्दा उनीहरूसँग २० जना जोशिला युवाहरू छन् । उनीहरूमा सामाजिक चेत छ । समाजका लागि काम गरौं भन्ने दृढ विश्वासले जुटिरहेको राई बताउँछन् ।

प्रत्येक हप्ता चोकमा यात्रुुले झट्टै देख्ने स्थानमा उनीहरू सफा गर्न आतुर हुन्छन् । कारण, इटहरी सफा नगरको रूपमा परिचित छ । चौरास्तको शहर भएको हुँदा आफ्नो नगरको बारे गलत धारणा अन्यत्र नफैलियोस् भनेर यसो गरेको उनीहरू बताउँछन् ।

अध्यक्ष पूर्ण राई विशुद्ध सामाजिक भावना राखेर यो पवित्र काममा अग्रसर भएको बताउँछन् । ‘धेरैले भन्लान् यसले राजनीति गर्दैछ । तर मलाइ थाहा छ नेताहरूले हामीजस्ता युवालाई प्रयोग मात्र गर्छन् ।’ राईले भने, ‘त्यसैले मैले आफ्नो नेतृत्वमा भएका भाइहरूलाई असल गोरेटोमा हिँड्न र समाजमा घुलमिल भएर बस्न सधैँ हौसला प्रदान गर्ने गरेको छु ।’ उनले आफ्नो प्रयासले एउटा मात्र युवा असल गोरेटोमा हिँड्यो भने पनि सामाजिक योगदान हुने उल्लेख गरे ।

अहिलेसम्म आइपुुग्दा उनीहरूले कुुनै दातृ निकायसँग आर्थिक सहयोग लिएका छैनन्, न कसैसँग चन्दा नै लिएका छन् । सरकारी निकायले सहयोग गरेको छैन । उनीहरूको सामाजिक कार्य देखेर स्वतफूूर्त सहयोग गर्ने बढिरहेका छन् ।

इटहरीको प्राथमिक स्वास्थ्य केन्द्रको रूप परिवर्तन गर्नेदेखि नेपाल बैंक अगाडि रहेको खुुला ठाउँलाई व्यवस्थित बनाएका छन् । नेपाल बैंकको उत्तरतर्फ रहेको सो जग्गालाई बाँसको भाटाले बेरेका छन् । धरान जाने बस रोक्ने ठाउँ भएको र कतै पनि सार्वजनिक शौचालय नहुँदा सडक छेउको सो स्थानलाई यात्रुले खुला शौचालयको रूपमा प्रयोग गर्ने गरेका थिए । अहिले युवाको समूहले सो स्थानलाई चिटिक्क बनाएको छ । धेरैले फोहोर गर्न छाडेपछि सो स्थानको स्वरूप परिवर्तन भएको छ ।

सरकारी निकायबाट गर्नुुपर्ने काम युवाबाट भइरहेको छ । तर पनि स्थानीय सरकारको उपेक्षाले उनीहरू चिन्तित पनि छन् । ‘हामीले जनप्रतिनिधिलाई ‘च्यालेन्ज’ गर्न खोजेको होइन’ निरौलाले भने, ‘सामाजिक भावका साथ युवाले गरेको यस्तो कामलाई कसैले ‘रेस्पोन्स’ गरेन ।’ यो सफाइको काम नरोकिने उनले स्पष्ट पारे । कामको उद्देश्य नगर सफाइ र नागरिकको चेत परिवर्तन होस् भन्ने रहेको हुुँदा यो कार्य जारी रहने उनले बताए । ‘कुुनै पनि आर्थिक तथा प्रतिष्ठाको लाभ प्राप्त होस् भनेर हामीले काम गरेको भए यतिका लामो समय कामको निरन्तरता हुने नै थिएन,’ उनले भने ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

कालोपट्टी बाँधेर स्थानीय तहको कर्मचारीहरुले गरे कामकाज ठप्प

सुखीपुर समाचारदातासुखीपुर (सिरहा) / स्थानीय तहका कर्मचारीहरुले ‘कर्मचारी समायोजन अध्यादेश’को विरोधम

अध्यादेशविरुद्ध कर्मचारीहरुले आफनै कार्यालयको मुलगेटमा धर्ना

रोयाण्टर मण्डल सुखीपुर (सिरहा) / सरकारले हालै जारी गरेको कर्मचारी समायोजन अध्यादेशविरुद्ध स्थानीय तह कर्

मिशन मधेशमा कसिसले सुपर छवी प्रस्तुत गर्दैछीन्

लहान,  । विगतमा भएको शोषण दमन र मधेश आन्दोलनलाई समेटिएर चित्रण गर्दै निर्माणमा रहेको मिशन मधेशको फाइट र क

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६