रोपाइँसँगै पेन्टिङ

  • प्रकाशित मितिः असार 18, 2075
  • मधेश स्पेशल
  • 138 पटक पढिएको

धरान/ ‘धान उत्पादनमा वृद्धि, राष्ट्रको समृद्धि’ भन्ने नाराका साथ शुक्रबार १५ औं राष्ट्रिय धान दिवस धुमधामसँग मनाइएको छ ।

धरान–६ पानबारीस्थित सहभागी कृषि सहकारी संस्थाको आयोजनामा रोपाइँ महोत्सव भएको थियो । शुक्रबार पानबारीमा रोपाइँ मात्र भएन, कलाकारहरूले रोपाइँ भइरहेको दृश्यलाई आफ्नो क्यानभासमा पनि उतारे । रोपाइँ महोत्सवमा सहभागी हुन पुगेकाहरू हिलो खेलेर रमाइरहँदा पूर्वका विभिन्न ठाउँबाट भेला भएका डेढ दर्जन कलाकारहरू पनि रङ र ब्रससँग क्यानभासमा खेलिरहेका थिए ।

महोत्सव आयोजक सहकारी संस्थाले कलाकारहरूलाई निमन्त्रणा गरेको थियो । संस्थाको निमन्त्रणामा धरानसहित धनकुटा र झापाका कलाकारहरू पनि रङ र ब्रस बोकेर पानबारी पुगेका थिए । उनीहरूले रोपाइँ चलिरहेको खेतबारी र प्रकृतिलाई आफ्नो क्यानभासमा उतारे ।

ropai dharan panbari (6)

संस्थाका अध्यक्ष ईश्वर लामिछानेले कृषिलाई कला र पर्यटनसँग जोड्ने प्रयासमा कलकारहरूलाई निमन्त्रणा गरिएको बताए । ‘कलाकारहरूले लाइभ पेन्टिङ गर्नुभयो, पानबारीलाई हामी कृषि पर्यटनसँग पनि जोड्न खोजिरहेका छौं, यो गतिविधिले थप मद्दत पु¥याउनेछ,’ उनले भने ।

रोपाइँ महोत्सवमा सहभागी हुन पाउँदा कलाकारहरू पनि असाध्यै रमाएका थिए । कलकारहरूलाई निमन्त्रणा गरेर सम्मान गरिएको उनीहरूको धारणा थियो । धरानका कलाकार प्रनोद दत्तले कार्यक्रमले कलाकारहरूलाई ऊर्जा मिलेको बताए । ‘हामीलाई त धेरै ऊर्जा मिलेको छ । कोठामा बसेर पेन्टिङ गर्नु र स्पटमा आएर काम गर्नुमा धेरै फरक हुन्छ,’ उनले भने । कलाकार महेन्द्र राईले संस्थाको निमन्त्रणा भएपछि पूर्वका वाटर कलर गर्ने सबैजसो कलाकारहरू सहभागी गराइएको बताए ।

ropai dharan panbari (6)

निरन्तर चौथो महोत्सव
विगत चार वर्षदेखि संस्थाले पानबारीमा सामुहिक रूपमा बेठी लगाएर, दही चिउरा खुवाउँदै रोपाइँ कार्यक्रम गर्दै आएको छ । सामुहिक रोपाइँ कार्यक्रममा स्थानीयसँगै धरानका विभिन्न संघसंस्था र विद्यालयका विद्यार्थीको पनि सहभागिता हुने गरेको छ । विद्यालयले आफ्ना विद्यार्थीलाई कृषि कर्म, धान रोपाइँ र बेठीको सांस्कृतिक पक्षबारे बुझाउने अवसरको रूपमा असार १५ लाई उपयोग गर्ने गरेका छन् ।

महोत्सवका सहभागीले खेतीयोग्य जमिनलाई जथाभावी प्लटिङ गर्न बन्देज लगाउनुपर्ने र युवा पुस्तालाई कृषिमा आकर्षित गर्नुपर्ने धारणा राखेका थिए । साथै, कृषिलाई आधुनिकीकरण गरेर उत्पादन वृद्धि गर्न सके कृषिमा देश आत्मनिर्भर एवं समृद्ध हुने उनीहरूको भनाइ थियो ।

महोत्सवमा सहभागी हँुदै धरान उपमहानगरपालिकाकी उपप्रमख मञ्जु भण्डारी सुवेदीले कृषि कर्ममा युवा पुस्तालाई लाग्न आग्रह गर्दै विदेश जान तयार पारेको पासपोर्ट फालेर हातमा कृषियन्त्र बोक्न आग्रह गरिन् । ‘जथाभावी भइरहेको प्लटिङ रोकिनुपर्छ, र युवाहरू कृषिकर्ममा लाग्नुपर्छ । हातको पासपोर्ट छोडेर अब कृषि यन्त्र बोकेर आफ्नै देशलाई सिञ्चित गर्नुपर्छ,’ उनले भनिन् ।

कृषि सहकारी संघ सुनसरीका अध्यक्ष कुशलचन्द्र विश्वासले पनि कुल गार्हस्थ उत्पादनको ३३ प्रतिशत कृषिको योगदान रहेको र त्यसमा १२ प्रतिशत धानको योगदान भएको तथ्यांक प्रस्तुत गर्दै युवा पुस्ता कृषिमा आकर्षित हुने हो भने नेपालको समृद्धि र आत्मनिर्भर सम्भव भएको बताए । ‘कृषिलाई उपेक्षा गर्ने होइन, माया गर्ने हो र युवा पुस्ता कृषिमा लागेर आधुनिकीकरण गर्ने हो भने नेपाल आत्मनिर्भर बन्न सक्छ, र समृद्धि पनि सम्भव छ,’ विश्वासले भने ।

कार्यक्रमका संयोजक एवं आयोजक संस्थाका सहसचिव मनप्रसाद लिम्बूले नयाँ पुस्तालाई रोपाइँ र बेठीको परम्पराबारे जानकारी गराउने र कृषिमा आकर्षण गर्ने उद्देश्यले धान दिवसलाई भव्य रूपमा मनाउने गरिएको बताए । सहकारीका अध्यक्ष लामिछानेले पानबारीमा कृषि पर्यटनको सम्भावना भएकाले रोपाइँ महोत्सवमार्फत् अभ्यास गरिएको बताए ।

ropai dharan panbari (3) ropai dharan panbari (5) ropai dharan panbari (2)

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

मधेसमा फेरी जुरमुराउँदै रैथाने परिषद

बिगतमा स्वतन्त्र मधेसको नारा दिएर बिखण्डनकारी गतिविधिमा सक्रिय सीके राउतको स्वतन्त्र मधेस गठबन्धन जनमत

सुखीपुरलाई सुन्दर नगरपालिका बनाउन सर्वपक्षीय छलफल

रोयाण्टर मण्डल सिरहा / सुखीपुर नगरपालिकाले आगामी आर्थिक वर्षको बजेट निर्माणको अन्तिम तयारी थालेको छ । बज

मिर्चैयाको सनलाईट टेलर ग्राहकको अकर्षण बन्दै , २ नम्बर प्रदेशकै नमुना टेलर

मनिषा मण्डलसिरहा । जिल्लाको चल्तीको ब्यपारीक केन्द्र मिर्चैया बजार, सिरहा जिल्लाको उदयपुर, धनुषा र सप्तर


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६