भारतमा अलैंचीको उत्पादन बढेपछि नेपालमा अलैंचीको कारोबार ठप्प

  • प्रकाशित मितिः पुष 9, 2074
  • मधेश स्पेशल
  • 1423 पटक पढिएको

आइतबार ०९, पुष, ईटहरी: नेपाली अलैंचीको मूल्य घट्दै गएपछि पूर्वी पहाडि जिल्लामा यसको कारोबार ठप्प भएको छ ।

पहिले प्रतिमन एक लाख रुपैयाँभन्दा बढीमा कारोबार हुने गरेको अलैंचीको भाउ अहिले २५, २६ हजार रुपैयाँमा झरेको छ । अलैंचीको राम्रो उत्पादन हुने ताप्लेजुङ, पाँचथर, ईलाम, तेह्रथुम, धनकुटालगायत जिल्लाका कृषकले भाउ बढ्दै जाँदा धान खेतनै मासेर लगाएको अलैंचीले फल दिन थालेपछि भने भाउ घटेको छ । अलैंचीको मूल्य लगातार घट्दै जादा धानखेती मासेर अलैंचीखेती तर्फ आकर्षित भएका किसानको जिविकोपार्जनमा समस्या आएको छ ।

पूर्वी पहाडी जिल्लामा सबैभन्दा बढी उत्पादन हुने नगदेबाली अलैंचीको राम्रो कारोबार नभएको एक वर्ष भइसकेको छ । अलैंचीको मुख्य बजार भारत हो ,तर पछिल्लो समय भारतमा अलैंची उत्पादन बढेपछि नेपाली उत्पादनले मूल्य पाएको छैन् ।

नेपाली अलैंची निर्यातकर्ता भारत सिलगुडीका बाबुलाल जयनले भारतमा अलैंची उत्पादन बढेपछि यताको मूल्य घटेको बताए । उनका अनुसार बजारलाई पुग्दो अलैंची सिक्किम, दार्जिलिङ, असाम, मेघालयलगायत क्षेत्रमा उत्पादन भएपछि नेपाली अलैंचीलाई प्रतिस्पर्धात्मक मूल्य दिन सकेको हो ।

नेपाल अलैची व्यवसायी संघ ताप्लेजुङका अध्यक्ष बालमणि बरालले सरकारले अलैंचीको निकासीमा चासो नदिंदा कारोबारमा समस्या आएको बताए । अलैंची मूल्य बढ्ने आशामा कतिपय कृषकले घरमै थन्क्याएर राखेका छन् भने कतिले दैनिक घरखर्च चलाउन कम मूल्यमै बिक्री गरेका छन् ।

मूल्य बढ्ने आशमा नेपाली व्यापारीले पनि ८० प्रतिशत अलैंची भण्डारण गरी राखेको बिर्तामोडका व्यवसायीले बताए ।

नेपालको आफ्नै ट्रेडमार्क नुहँदा सिन्डिकेट बजारले नेपालको अलैंची भारत र बंगलादेश बढी जाने गर्छ । कालो सुनको नामले चिनिएको अलैंचीको अन्तर्राष्ट्रिय बजार खोजी गर्न सकेमा किसानको अवस्था सुधार हुने विज्ञहरुको भनाई छ ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

सुखीपुर नगरपालिकामा पुनः राम औतार यादव विजयी भएपछि विशाल विजयी जुलुस

रोयाण्टर मण्डललहान / सिरहाको सुखीपुर नगरपालिकामा नेकपा एमालेले विजयी जुलुस निकालेको छ । सुखीपुर नगरपालि

प्रधानमन्त्रीको वडामा नेपाली कांग्रेस (विपी) ले विजय भएपछि सुखीपुरमा गुलियो विस्कुट वितरण

डि.एन. यादवसुखीपुर (सिरहा) / प्रधानमन्त्री शेर बहादुर देउबाको वडामा नेपाली कांग्रेसलाई पराजित गरी नेपाली क

लोकप्रिय नेता राजेन्द्र चौधरी ७ सय ४४ मत ल्याई दोस्रो पटक वडाध्यक्ष पदमा निर्वाचित

सुखीपुर (सिरहा) / सुखीपुर नगरपालिका वडा नम्बर १ को नेकपा माओवादी केन्द्रका लोकप्रिय नेता राजेन्द्र चौधरी ७

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६