अभिनन्दनसभालाई सम्बोधन गर्दै मोदीले भने नेपाल–भारत सम्बन्ध ‘रोटी र बेटी’को

  • प्रकाशित मितिः बैशाख 28, 2075
  • मधेश स्पेशल
  • 382 पटक पढिएको

जनकपुरधाम​ । भारतका प्रधानमन्त्री नरेन्द्र मोदीलाई शुक्रबार जनकपुरमा नागरिक अभिनन्दन गरिएको छ । दुईदिने नेपाल भ्रमणकाक्रममा रहेका मोदीलाई जनकपुरको रंगभूमि मैदानमा आयोजित कार्यक्रममा जनकपुर उपमहानगरपालिकाका मेयर लालकिशोर साहले मोदीलाई मैथिली भाषामा लेखिएको अभिनन्दनपत्र प्रदान गरे । सोक्रममा मोदीलाई १२१ किलोका तीनओटा मालाको सम्मान दिइयो । प्रदेश नम्बर–२ सरकार, वीरगन्ज उद्योग वाणिज्य संघ र जनकपुर उद्योग वाणिज्य संघले १२१ किलोका छु्ट्टाछुट्टै माला पहिर्‍याइदिएर सम्मान गरेका हुन् । अभिनन्दनसभालाई सम्बोधन गर्दै मोदीले नेपाल–भारत सम्बन्ध ‘रोटी र बेटी’को भएको उल्लेख गर्दै जनकपुर माता जानकीको भूमि भएको र योबिना अयोध्या अधुरो हुने बताए । उनले भारत र नेपालको संस्कृति, भाषा र सभ्यतामामात्रै समान नभएको बताउँदै नेपाल र भारतको सपना, उद्देश्य तथा सुख–दुःख पनि समान भएको उल्लेख गरे । उनले ‘नेपालको सहयोगबिना भारत अपूरो’ हुने बताउँदै ‘नेपालबिना भारतको काम पनि राम पनि अधुरो’ रहेको उल्लेख गरे । मैथिलीबाट सम्बोधन सुरु गर्दै पहिलोपटक नेपाल आउँदा नै छिट्टै जनकपुर आउने बाचा गरेपनि आउन समय लागेकामा क्षमा माग्दै आफ्नो भ्रमण प्रधानमन्त्रीकारुपमा नभइ ‘प्रधान तीर्थयात्री’कारुपमा भएको पनि बताए । एक–अर्काको संवेदनशीलताप्रति सचेत अभिनन्दन कार्यक्रममा संघीय सरकारका रक्षामन्त्री ईश्वर पोखरेलले भारतसँगको सम्बन्धका विषयमा नेपाल अतीतमुखी नभइ भविश्यमुखी भएर अघि बढ्न चाहेको बताए । जनकपुर सहरले नेपाल र भारतबीचको मित्रताको उचाइ बढाउन भूमिका निर्वाह गरेको उल्लेख गर्दै उनले नेपाल र भारतको सम्बन्धको आधार भ्रातृत्वको अनुभूति, राष्ट्रिय स्वाभिमानको सम्मान र आपसी समझदारी रहेको पनि उल्लेख गरे । नेपाल र भारतले एक–अर्काको सामिप्यतालाई बोध गर्ने र एक–अर्काको संवेदनशीलताप्रति सचेत रहेको पनि उनले बताए । यस्तै, प्रदेश–२ का मुख्यमन्त्री लालबाबु राउतले भारत सरकारबाट आर्थिक, सामाजिक र सांस्कृतिक सहयोगको अपेक्षा गरेको बताए । उनले मोदीले तेस्रोपटकको नेपाल भ्रमण जनकपुरबाट प्रारम्भ गरी सद्भाव प्रकट गरेको भन्दै आभार व्यक्त गरे । भारतीय प्रधानमन्त्री मोदी नेपालको दुईदिने राजकीय भ्रमणकाक्रममा शुक्रबारै बिहान जनकपुर आएका हुन् । स्रोत– जनकपुर टुडे

 

 

 

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

मधेसमा फेरी जुरमुराउँदै रैथाने परिषद

बिगतमा स्वतन्त्र मधेसको नारा दिएर बिखण्डनकारी गतिविधिमा सक्रिय सीके राउतको स्वतन्त्र मधेस गठबन्धन जनमत

सुखीपुरलाई सुन्दर नगरपालिका बनाउन सर्वपक्षीय छलफल

रोयाण्टर मण्डल सिरहा / सुखीपुर नगरपालिकाले आगामी आर्थिक वर्षको बजेट निर्माणको अन्तिम तयारी थालेको छ । बज

मिर्चैयाको सनलाईट टेलर ग्राहकको अकर्षण बन्दै , २ नम्बर प्रदेशकै नमुना टेलर

मनिषा मण्डलसिरहा । जिल्लाको चल्तीको ब्यपारीक केन्द्र मिर्चैया बजार, सिरहा जिल्लाको उदयपुर, धनुषा र सप्तर


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६