एल क्लासिको : बार्सिलोना ३-० ले विजयी, रियल मड्रिड १४ अंकले पछि

  • प्रकाशित मितिः पुष 8, 2074
  • मधेश स्पेशल
  • 266 पटक पढिएको

शनिबार ०८, पुष २०७४: स्पानिस ला लिगा अन्तर्गत बहुचर्चित एक क्लासिको मा बार्सिलोनाले रियल मड्रिडलाई उसैको मैदानमा ३-० ले पराजित गरेको छ। बार्सिलोनाका लागि लुइस सुवारेज, लियोनल मेसी र एलेक्स भिदालले गोल गरे।

रियलको मैदान सान्टियागो वर्नावेउमा भएको खेलमा डानी कार्भाजलले सिधै रातो कार्ड पाएपछि रियल दोस्रो हाफमा दश खेलाडीमा झरेको थियो।

पहिलो हाफ गोलरहित बराबरीमा सकिएपनि बार्सिलोनाले दवस्रो हाफमा दुई गोल गरेको हो।

५४औँ मिनेटमा सर्जि रोबर्टोको पासमा लुइस सुवारेजले गोल गर्दै बार्सिलोनालाई अग्रता दिलाएका थिए। त्यसको ९ मिनेटपछि रियललाई दोहोरो झड्का लाग्यो। कार्भाजलले पेनाल्टी एरियामा हातले बल रोकेपछि सिधै रातो कार्डको भागिदार बन्दा बार्सिलोनाले पेनाल्टी पायो।

जसमा लियोनल मेसीले सहजै गोल गर्दै बार्सिलोनालाई २-० को अग्रता दिलाए। उक्त गोलसँगै मेसीको ला लिगामा यस सिजन गोल संख्या १५ पुगेको छ। यस्तै एल क्लासिकोमा सर्वाधिक गोलकर्ताको सूचीमा अगाडी रहेका मेसीको गोल संख्या २५ पुगेको छ। जसमध्ये मेसीले १७ गोल ला लिगामा र १५ गोल वर्नावेउमा गरेका हुन्।

बार्सिलोनाका लागि तेस्रो गोल वैकल्पिक खेलाडी एलेक्स भिदालले इन्जुरी टाइममा गोल गरे। मेसीले डि एरियाबाट प्रहार गरेको बल रियलका गोलकिपर केएलर नाभासले क्लियर गर्न नसकेपछि भिदालले गोल गरेका हुन्।

जितपछि लिग लिडर बार्सिलोनाले १७ खेलबाट ४५ अंक जोडेको छ। जुन एक खेल कम खेलेको रियलको भन्दा १४ अंकले बढी हो। १६ खेलबाट ३१ अंक जोडेको रियल चौथो स्थानमा छ।

यस्तै बार्सिलोनाले दोस्रो स्थानको एथ्लेटिको मड्रिडमाथि पनि ९ अंकको अग्रता बनाएको छ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

अभियान लघुवित्त वित्तीय संस्थाका शाखा सुखीपुरमा स्थापना

रोयाण्टर मण्डल सुखीपुर (सिरहा) / अभियान लघुवित्त वित्तीय संस्था लिमिटेडले सुखीपुरमा आफ्नो शाखा कार्यालय

सुखीपुरमा मिथिला लोक सांस्कृतिक महोत्सव हुने

रोयाण्टर मण्डलसुखीपुर (सिरहा) / सिरहाको सुखीपुरमा “अपन संस्कृति अपन पहिचान, समृद्ध संस्कृती हमर अभियान&rdq

सुखीपुरमा संस्कृति जोगाउन चित्र कला प्रदर्शनी

रोयाण्टर मण्डलसुखीपुर (सिरहा) / दक्षिण कोरिया र मिथिला चित्र कला प्रदर्शनी सोमबार देखि बुधवार ( माघ २७ देखि


सुचना तथा प्रसारण विभाग: ९७८–२०७५/७६

Copyright © 2013 / 2020 - Pradeshportal.com All rights reserved

प्रेस काउन्सिल नेपाल: २४६–२०७५/७६