यि हुन वर्षका चर्चित नेपाली चलचित्र

  • प्रकाशित मितिः बैशाख 2, 2075
  • मधेश स्पेशल
  • 70 पटक पढिएको

इृटहरी/ यो वर्ष नेपाली चलचित्र उध्योगका लागि औसत रह्यो । ‘घामपानी’, ‘लभ लभ लभ’ र ‘राधे’को प्रदर्शनसँगै सुरु भएको वर्ष २०७४ ‘लिलिबिली’ र ‘नेप्टे’को प्रदर्शनसँगै सकिँदैछ । यो वर्ष करिब ९० नेपाली चलचित्र प्रदर्शन भए ।

शत्रुगते
‘शत्रुगते’ यो वर्ष सवैभन्दा ठुलो व्यापार गर्ने सफल चलचित्र बन्यो । वर्षको अन्त्यमा ९ चैतबाट प्रदर्शनमा आएको चलचित्रमा पल शाह, आँचल शर्मा, दीपकराज गिरी, दीपाश्री निरौला, हरिवंश आचार्य, मदनकृष्ण श्रेष्ठ, प्रियङ्का कार्की लगायतका कलाकारको दमदार अभिनय रहेको छ चलचित्र अहिले पनि प्रदर्शनमै छ । चलचित्रमा भएको ‘पिरतीको बर्को’ गीतलाई चोरीको आरोपसमेत लागेको छ ।

‘प्रेम गीत २’
वर्षकै सबैभन्दा बढी चर्चित र व्यावसायिक सफल चलचित्र भयोे । ‘प्रेम गीत’को सिक्वेलको रूपमा चलचित्रलाई मानिएको थियो । चलचित्रमा युवास्टार प्रदीप खड्का र अश्लेषा ठकुरी मुख्य भूमिकामा देखिएका थिए । यो चलचित्रसँगै यसका अभिनेता प्रदीप सबैभन्दा महँगो अभिनेता भएर सिने नगरीमा उदाए ।

‘कृ’
वर्षकै चर्चित चलचित्र बन्यो ‘कृ’ । अभिनेता अनमोल केसी रहेको कृ २६ माघमा प्रदर्शनमा आएको थियो । चलचित्रमा अनमोल केसी, अदिती बुढाथोकी मुख्य भुमिकामा रहेका थिए ।
भुवन केसी र सुवास गिरी निर्माता रहेको चलचित्र गीत चोरीको विषयलाई लिएर बिवादसँगै चर्चामा रह्यो । करिव दुई करोड लगानी भनिएको चलचित्रले जेनतेन लगानी उठाएको अनुमान गरीन्छ ।

‘ए मेरो हजुर २’
करिब २ दशक अभिनयमा बिताएकी झरनाको निर्देशनमा डेब्य चलचित्र गीत सङ्गीतका कारणले पनि चर्चामा रह्यो । यसै चलचित्रबाट अभिनयमा डेब्यु गरेका सलिमान बानियाँ समेत हिट भए । धेरै फिल्ममा अभिनय गरेका अभिनेता सलोन बस्नेतले यो चलचित्र बाट सबैभन्दा बढी चर्चा पाए । ‘उकालीमा जाँदा जाँदै’, ‘किनिदेऊ न साइला दाइ’ लगायत केही हिट गीत रहेको यो चलचित्र अभिनेत्री साम्राज्ञी राज्यलक्ष्मी शाहसमेत रहेकी कारणले पनि चर्चा पायो । साम्राज्ञीको यो दोस्रो चलचित्र थियो ।सुनिलकुमार थापाको निर्माणमा तयार भएको चलचित्र १६ भदौमा प्रदर्शनमा आएको थियो ।

‘छक्का पन्जा २’
असोज ११ मा रिलिज भएको यो चलचित्र नै वर्षको सफल अनि व्यवसायीक मुनाफा कमाउनेमा दर्ज भयो । चलचित्रको चर्चित गीत ‘ए दाजु नसमाउ नाडीमा’ चोरी कान्डमा चलचित्र मुछियो पनि । ‘छक्का पन्जा’को सिक्वेलको रूपमा निर्माण भएको यो चलचित्रले करिब १२ करोड माथिको व्यापार गरेको यो चलचित्रले केही हलमा भने ५१औं र ७५औं दिन प्रदर्शनको रेकड समेत बनायो ।

‘म यस्तो गीत गाउँछु’
‘भन्छु आज’ बोलको सर्वा्धिक चर्चित गीत रहेको यो चलचित्रले व्यावसायिक लाभ भने राम्रो लिन सकेन । जिनतिन लगानी सुरक्षित मात्र गरेको बताईन्छ । ‘म यस्तो गीत गाउँछु’ शीर्ष गीतले समेत चर्चा पाएको थियो । पल शाह र पूजा शर्मा मुख्य भूमिकामा थिए ।

‘पर्व’
‘काले दाइ काले दाइ’ भन्ने चर्चित गीत रहेको चलचित्र ‘पर्व’ले व्यावसायिक मुनाफा भने कमाउन सकेन । १२ जेठमा रिलिज भएको चलचित्रको लगानीकर्ता सुवास गिरी र निकिता पौडेल रहेका थिए । चलचित्रमा नम्रता श्रेष्ठ, कोशिश क्षेत्री, माला लिम्बु, जेविका कार्कीलगायत थिए ।

‘घामपानी’
सञ्चारकर्मी दीपेन्द्र लामाको निर्देशन रहेको ‘घामपानी’ पनि चर्चामा रह्यो । मिडीया क्षेत्रमा सकृय लामाको चलचित्र भएकाले पनि यो चलचित्रले मिडीयामा राम्रो कभरेज पायो । अभिनेत्री केकी अधिकारी र दयाहाङ राई चलचित्रमा मुख्य भूमिकामा थिए । चलचित्र समीक्षक तथा दर्शकले दुवैले मन पराएका थिए । तर चलचित्रले बम्पर ब्यवसाय भने गर्न सकेन । जिनतिन लगानी भने सुरक्षा गर्न सफल भएको मानिन्छ ।

मङ्गलम
‘पर्ख पर्ख मायालु’ बोलको गीतका कारण वर्षभरी चर्चामा रहेको चलचित्रमा पुष्प खड्का, शिल्पा पोखरेल र पृथ्वीराज प्रसाईंको मुख्य भूमिका रहेको थियो । चलचित्रमा साम्राज्ञी राज्यलक्ष्मी शाहको समेत अभिनय थियो । दर्शक र समीक्षकले समेत मन पराएको चलचित्रले उत्कृष्ट व्यापार पनि गर्यो ।

ऐश्वर्या
गीतका कारण चार्चत भएको चलचित्र कात्तिक ९ मा प्रदर्शनमा आएको थियो । अभिनेता रमेश उप्रेती, केकी अधिकारी, दिपिका प्रसाईं, प्रशान्त ताम्राकार, निर्मल शर्मा, केशव भट्टराईको अभिनय रहेको चलचित्रको ‘तिमी रोएको पल’ बोलको गीत निकै चर्चित भएको थियो ।

कान्छी
स्वेता खड्काको लगानीमा बनेको चलचित्र वर्ष कै सफल चलचित्र मानिन्छ । चलचित्रले चर्चा र सफलता दुवै हासिल गर्यो । श्वेता आफैले चलचित्रमा मुख्य भूमिका निर्वाह गरेकी थिइन् । दयाहाङ राई, नीर शाह, अशान्त शर्मा, अनु शाह, कामेश्वर चौरसिया, प्रज्ज्वल सुजल गिरीलगायतको समेत चलचित्रमा अभिनय रहेको थियो ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

शिक्षा सेवामा सोधिने सम्भावित प्रश्नहरुको संगालो

 डि.एन. यादबशैक्षिक जनशक्ति तालिम निति कहिले बनेको हो ?– २०६२माध्यमिक शिक्षा पाठ्यक्रम ढाचा २०६४ अनुसा

सबैजसो क्षेत्र राजनीतिबाट प्रभावित

सुरेन्द्र साहठूलो भएपछि के बन्छौ ?श्र कसैले सोध्यो भने धेरैको जवाफ हुन्छ , डाक्टर, इन्जिनियर, पायलट समाजसे

सुखीपुरकी सानुमैयाको गीत सुनेर सबैको मन मोहित

    1 मोहे रंग दो लाल मोहे रंग दो लाल नंद के लाल लाल छेड़ो नहीं बस रंग दो लाल मोहे रंग दो लालदेखूं

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६