नेपाल टेलिकमको निर्ब्याजी ऋण सञ्चालनमा

चैत्र १६, २०७४ / इटहरी: नेपाल टेलिकमले आज देखि निर्ब्याजी ऋण सेवा संचालनमा ल्याएको छ। प्रीपेड ग्राहकहरुले आजबाट निर्ब्याजी ऋण सेवा प्रयोग गर्न पाउनेछन् ।

तत्कालिन व्यवस्थापिका संसदको विकास समितिले टेलिकमलाई सापटी सेवा सञ्चालन गर्न निर्देशन दिएको थियो। सोही अनुसार टेलिकमले माघ २२ गते नमस्ते क्रेडिट सेवाको सफ्ट लञ्च गरेको थियो।

अब टेलिकमको प्रीपेड मोबाइल उपयोग गर्नेहरुले पैसा सकिएर फोन काटिने हैरानीबाट मुक्ती पाउनेछन् । टेलिकमले फोन गर्दा गर्दै काटिएमा ग्राहको खातामा स्वत पैसा राखिदिनेछ। उपभोक्ताले रिचार्ज गरेपछि सो रकम काटिने छ तर सेवा शुल्क भने असुल्ने छैन्।

शुक्रबार बिहान एक कार्यक्रमबीच सञ्चार तथा सूचना प्रबिधि राज्यमन्त्री गोँकुल बाँस्कोटाले नमस्ते क्रेडिट सेवाको आरम्भ गरेका हुन्।