आयोजकलाई हराउँदै कोलकाताको गरिफा अन्तिम चारमा

  • प्रकाशित मितिः माघ 10, 2074
  • मधेश स्पेशल
  • 236 पटक पढिएको

माघ १०, २०७४ / इटहरी: मदन भण्डारी स्मृति इटहरी गोल्डकपअन्तर्गत मंगलबार भएको खेलमा आयोजक राष्ट्रिय जागृति क्लब इटहरीलाई १ –० गोलले हराउँदै भारत कोलकाताको गरिफा स्पोर्टिङ क्लब अन्तिम चारमा प्रवेश गरेको छ ।

गरिफाका तर्फबाट खेलको सुरुवाती मिनेटमै सिसे सोलासले गोल गर्दै टिमलाई अग्रता दिलाए । अफ्रिकन खेलाडीको बाहुल्यतासँगै मैदानमा रक्षात्मक पंक्तिमा उत्रिएको गरिफाले सुरुआती चरणमै गरेको गोल आयोजक राष्ट्रिय जागृति क्लबलाई हराउन निर्णायक बन्यो ।

घरेलु मैदान र दर्शकको साथ पाएको जागृतिले केही आक्रमक प्रयास गरेपनि गरिफाको रक्षात्मक पंक्तिलाई तोड्न सकेन । केही राम्रा अवसरको सदुपयोगबाट चुकेको जागृतिले खेलमा रणनीति परिवर्तन गर्दा समेत गोल गर्नबाट चुक्यो ।

पोस्टम्याच कन्फरेन्समा बोल्दै जागृतिका प्रशिक्षक श्याम मानन्धरले गरिफाको ‘स्ट्राटेजी’ बुझ्न नसक्दा घरेलु मैदानमै आयोजकले हार बेहोर्नु परेको बताए । “खेलाडी बीच कम्युनिकेशन नमिलेका कारण गोल खान पुग्यौं, केही राम्रा अवसर भए पनि गोल गर्नबाट चुकेकै हो ।”

कोलकातामा टिम म्यानेजर सञ्जय विश्वासले नयाँ मैदान भएका कारण टिमले अपेक्षित खेल प्रदर्शन गर्न नसकेको बताए ।

मुलुककै सबैभन्दा बढी नगद राशिको यो प्रतियोगिताका विजेताले अढाई तोला सुन र ८० तोला चाँदीबाट बनेको गोल्ड कपसँगै १२ लाख नगद प्राप्त गर्ने छ भने उपविजेताले ट्रफी, मेडलसहित नगद ५ लाख पाउने छ । बुधबारको पहिलो सेमिफाइनल खेल थ्रिस्टार क्लब काठमाडौं र विभागीय टिम त्रिभूवन आर्मी क्लब काठमाडौं बीच हुने आयोजकले जानकारी दिएको छ ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

अभियान लघुवित्त वित्तीय संस्थाका शाखा सुखीपुरमा स्थापना

रोयाण्टर मण्डल सुखीपुर (सिरहा) / अभियान लघुवित्त वित्तीय संस्था लिमिटेडले सुखीपुरमा आफ्नो शाखा कार्यालय

सुखीपुरमा मिथिला लोक सांस्कृतिक महोत्सव हुने

रोयाण्टर मण्डलसुखीपुर (सिरहा) / सिरहाको सुखीपुरमा “अपन संस्कृति अपन पहिचान, समृद्ध संस्कृती हमर अभियान&rdq

सुखीपुरमा संस्कृति जोगाउन चित्र कला प्रदर्शनी

रोयाण्टर मण्डलसुखीपुर (सिरहा) / दक्षिण कोरिया र मिथिला चित्र कला प्रदर्शनी सोमबार देखि बुधवार ( माघ २७ देखि


सुचना तथा प्रसारण विभाग: ९७८–२०७५/७६

Copyright © 2013 / 2020 - Pradeshportal.com All rights reserved

प्रेस काउन्सिल नेपाल: २४६–२०७५/७६