कम्बल र ज्याकेट बाँड्दै न्यानो अभियान

  • प्रकाशित मितिः पुष 23, 2074
  • मधेश स्पेशल
  • 173 पटक पढिएको

पुष २३, २०७४ / उर्लाबारी: विपन्न तथा गरिब समुदायलाई लक्षित गर्दै न्यानो अभियान नेपाल, उर्लाबारीले कम्बल र ज्याकेट वितरण गरेको छ ।

जाडोमा केही हदसम्म भएपनि राहत महसुस गराउने हेतुले जेष्ठ नागरिकलाई कम्बल र बालबालिकालाई ज्याकेट वितरण गरिएको न्यानो अभियान नेपालका कार्यक्रम संयोजक सरोज बस्नेतले बताए ।

शनिबार उर्लाबारी–९ मौलिबारीका २२ परिवारलाई कम्बल र १८ परिवारका बालबालिकालाई ज्याकेट प्रदान गरिएको संयोजक बस्नेतले जानकारी दिए ।

शनिबारै अभियानले उर्लाबारीले सिद्धेश्वर शिवबाबा धाम उर्लाबारी–६ का ज्येष्ठ नागरिकलाई १० थान कम्बल सहयोग गरेको छ ।

यसअघि उर्लाबारी–८ को बगर टोल र उर्लाबारी–४ को बक्राहा बाँधमा न्यानो कपडा वितरणसहित गोदावरी हस्पिटल उर्लाबारीको सहयोगमा स्वास्थ्य शिविर गरिएको सदस्य विवेक हिङमाङले जानकारी दिए ।

उर्लाबारी परिवार हङकङका सल्लाहकार पूर्ण वाइबाको प्रमुख आतिथ्यता भएको कार्यक्रममा महिला नेतृ तथा उर्लाबारी वडा नं. ७ की वडा सदस्य शोभितमाया तामाङ (सावित्रा), स्थानीय युवा रमेश बस्नेतलगायतले बोल्दै जाडोको समयमा विपन्न तथा गरिब परिवारलाई न्यानो कपडा वितरण गर्नु उदाहरणीय कार्य भएको बताए । न्यानो अभियान नेपालका अध्यक्ष पूर्ण सिंगक लिम्बूको सभापतित्वमा भएको कार्यक्रम महासचिव तेजन खड्काले सञ्चालन गरेका थिए ।

न्यानो अभियानका सल्लाहकार ज्ञानु योञ्जन, बरिष्ठ उपाध्यक्ष सञ्जिब बुढाथोकी, सदस्यद्वय कृष्ण वाइबा, शंकर निरौला, स्थानीय युवा झविन आलेले कम्बर तथा ज्याकेट वितरण गरेका थिए ।

न्यानो अभियान नेपालले विगत चार वर्षदेखि निरन्तर सामाजिक सेवा अन्तरगत प्रत्येक वर्ष कम्बल र ज्याकेट वितरण गर्दै आएको छ ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

नेपाली कांग्रेस क्षेत्र नम्बर २ सिरहाका समितिले मनाए विपी स्मृती दिवस

रोयाण्टर मण्डलसुखीपुर (सिरहा) / नेपाली कांग्रेस  क्षेत्र नम्बर २ सिरहाका समितिले ३७ औं विपी स्मृती दिव

सुखीपुरका व्यवसायीहरु पनि भीसीटीएसको बिरोधमा उत्रिए

रोयाण्टर मण्डलसुखीपुर (सिरहा) / सरकारले ल्याएको ऐन, नियम र कानून तथा प्रावधानहरु अव्यवहारिक भएको भन्दै सिर

बरियारपट्टी गाउँपालिकाको बजेट ४१ करोड ३४ लाख

रोयाण्टर मण्डल / कृष्ण मोहन चौधरी / हरिपति लाल कर्ण / विपी भुवन  सुखीपुर (सिरहा) /   ‘कृषि , शिक्षा, पु


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६