सुखीपुरमा जिउँदो माछा पसल संचालन, पसलमै अक्सिजन जडित पोखरी

मनिषा मण्डल
सुखीपुर (सिरहा) / सफा पानीमा पौडिएका माछा देखेपछि ग्राहकहरु खुला ह्रदयले खरिद गर्न इच्छुक भएका कारण सिरहामा जिउँदो माछाको कारोबार बढेको छ ।

सिरहाको सुखीपुर नगरपालिका वडा नम्बर ८ क्यापस चौक स्थित द सुखीपुर फ्रेस हाउस आज देखि सञ्चालनमा आएको छ । यहाँ दैनिक २ सय ५० केजी जिउँदो माछा अक्सिजन जडित पोखरीमा राखेर बिक्री गर्ने क्षमता रहेको छ ।

स्थानीय व्यवसायी विजय निरौलाले १० लाख रुपैयाँको लगानीमा जिउँदो माछा र मासु पसल सञ्चालनमा ल्याएका हुन् ।

पसलमै पौडिरहेका जिउँदो माछा प्रतिकेजी २ सय ५० रुपैयाँ देखि माछाको साईज अनुसार मुल्य , कुखरा ३ सय ६० रुपैयाँ , खसी मासु १ हजार केजी , अण्डा र लोकर कुखुरा लगायतका मासुजन्य सामग्री आज बिक्री भइरहेको छ ।

आफु ८ वर्षदेखि ॐ गणेश कृषि फर्म संचालन गरी ११ बिगाहा भन्दा बढी क्षेत्रफलमा आफूले माछा , कुखरा र हाँस पालन व्यवसाय सञ्चालन गरिरहेको छु । अहिले आधुनिक युगमा जिउँदो माछा खान ग्राहकहरुको चाहना रहेकोले यस प्रकारको पसल संचालन गरेको छु ।

बजारमा विक्री गर्न बफमा राखिएकोे मरेका माछा छाडेर यहाँका उपभोक्ताले यस्तो स्वस्थकर ताजा माछा नै मनपराउन थालेका छन’ । सिरहा लगायत देशभरमा यस प्रकारको पसलहरु संचालन भए रहेको छ ।

‘फर्मालिन’ नामक मानव स्वास्थ्यमा हानिकारक औषधी राखेर ल्याइएका मरेका माछा खान बाध्य उपभोक्ताले अब आफ्नै हातले पानीमा खेलिरहेका जिउँदा माछा खरिदगरी मन पराउने निरौलाले भन्नुभयो ।

 

अहिले सिरहाको मिर्चैया , लहान , गोलबजार र अन्य स्थानका यस्तो प्रविधिमा आधारित जिउँदा माछा पसल संचालन रहेको छ र आज देखि सुखीपुरमा पनि जिउँदो माछा पसल संचालनमा आएपछि उपभोक्ताहरु खुशी भएका छन् ।