नेकपा एमाले मधेश प्रदेशका अध्यक्ष राम औतार यादवलाई पृत शोक

रोयाण्टर मण्डल
लहान । नेकपा एमाले मधेश प्रदेशका अध्यक्ष तथा सुखीपुर नगरपालिकाका नगर प्रमुख राम औतार यादवलाई पृत शोक परेको छ ।

यादवको पिता मंगल यादव सुखीपुर नगरपालिका वडा नम्बर १ स्थित आफनै जन्मभुमी मोहनपुर कमलपुरमा प्राण त्याग गर्नुभयो ।

स्वर्गीय मंगल यादवलाई स्वास्थ्य अवस्था विग्रेपछि ५ दिन देखि विराट अस्पताल विराटनगरमा उपचार भए रहेको थियो तर वहाँको ईच्छा आफनै जन्मभूमीमा देह त्याग गर्ने वचन दिनुभएकोले वहाँको अवस्था एकदमै विग्रेको डाक्टरले जानकारी गराएपछि परिवारजनले वहाँको वचन पुरा गर्न वहाँलाई आफनै जन्मभुमी मोहनपुर कमलपुरमा विहीवार विहान ९ बजे घर ल्याएको थियो । घर ल्याएपछि वहाँले आज बेलुका ३ बजेर ४० मा देह त्याग गरेको सुखीपुर नगरपालिकाका नेकपा एमालेका नगर सचिव विन्दे यादवले जानकारी गराउनुभयो ।

भोली शुक्रवार विहान ८ बजे मोहनपुर कलपुरको वहाँको आफनै जग्गामा दाह संस्कार गर्ने कार्याक्रम रहेको छ । वहाँ ८१ वर्ष हुनुहुन्थ्यो ।