सुखीपुरमा एक दिने निःशुल्क आखाँ शिविर सम्पन्न

रोयाण्टर मण्डल

लहान / सिरहाकाको सुखीपुरमा १ दिने निःशुल्क आँखा शिविर कार्यक्रम सम्पन्न भएको छ ।

सुखीपुर नगरपालिका वडा नम्बर ८ मा जन जागृती युवा कलव सुखीपुर आयोजना तथा सगरमाथा चौधरी आखाँ अस्पताल लहानको प्राविधिक सहयोगमा निःशुल्क आँखा शिविर संचालन भएको थियो ।

शिविरमा २ सय ७० जनालाई आँखा चेक जाँच गर्ने क्रममा २२ जनालाई मधुमेह रोग र ६० जना मोतिया विन्दु भएको भेटिएको थियो । उक्त मोतिया विन्दु भएकाहरुलाई पछि आखाँ अस्पतालमा निःशुल्क रुपमा शल्यक्रिया गरिने आयोजक संस्थाका उपाध्यक्ष राकेश कुमार पुर्वे बताउनुभयो ।

निःशुल्क शिविर कार्यक्रममा प्रमुख अतिथि मान्नीय मदन सेन प्रसाद श्रीवास्तव, विशिष्ठ अतिथि आखाँ चिकित्सक रामानन्द विश्वकर्मा , स्वास्थ्यकर्मी चन्द्र शेखर दास, सुखीपुर नगरपालिकाका वडा नम्बर ८ का वडा अध्यक्ष किशोरी प्रसाद चौधरी , विन्देश्वर पजियार र रतनेश चौधरी लागयतको उपस्थिती रहेको आयोजक संस्थाका अध्यक्ष रुपेश कुमार महत (मुरली) ले बताउनुभयो ।