चुनावकै मुखमा नेकपा माओवादीका नेता एमालेमा प्रवेश

रोयाण्टर मण्डल
सिरहा / चुनावकै मुखमा सिरहामा नेकपा माओवादी केन्द्र परित्याग गरी सयौंको संख्यामा नेता तथा कार्यकर्ता नेकपा एमालेमा प्रवेश गरेका छन् ।

नेकपा एमालेले आज बुधवार सिरहाको धनगढीमाई नगरपालिका वडा नम्बर ५ मा आयोजना गरेको पार्टी प्रवेश कार्यक्रममा उनीहरु एमाले प्रवेश गरेका हुन् ।

नेकपा माओवादी केन्द्र धनगढीमाई नगरपालिका वडा नम्बर ५ मा वडा इन्चार्ज राम नाथ महतो, वडा नम्बर ६ का वडा सचिव मलुक महतोे, वडा नम्बर ४ का इन्चार्ज सुरेश महतो , ज्येष्ठ नागरिकका नगर संयोजक सिहेश्वर महतो लगायतका एमाले प्रवेश गरेका छन् ।

उनीहरुलाई एमालेका मधेश प्रदेश सह ईन्चार्ज तथा पूर्व कानुन, न्याय तथा संसदीय मामिला मन्त्री लिला नाथ श्रेष्ठले माला तथा रातो टिका लगाएर पार्टीमा स्वागत गरेका छन् ।

पार्टी प्रवेश कार्यक्रममा नेकपा एमालेका मधेश प्रदेश अध्यक्ष राम औतार यादव, नेकपा एमालेका नगर अध्यक्ष मनोज कुमार यादव, नगर सदस्य राम सागर यादव र सिरहा क्षेत्र नम्बर २ (ख) का उम्मेदवार शत्रुधन महतो लगायतको नेताहरुको उपस्थती रहेको थियो ।