नेपाली काँग्रेसका युवा नेता जनमतमा प्रवेश गरे लगत्तै टिकट

रोयाण्टर मण्डल

सुखीपुर (सिरहा) । नेपाली काँग्रेस पार्टीे परित्याग गरेर जनमत पार्टीमा प्रवेश गरेका विपी भुवन यादवलाई जनमतले सुखीपुर नगरपालिकाको मेयर बनाउने निर्णय गरेको छ । यादव आजै आइतबार काँग्रेस परित्याग गरेर जनमतमा प्रवेश गरेका हुन् ।

 

जनमत पार्टी अध्यक्ष सिके राउतले यादवलाई पार्टी प्रवेश गराएका हुन् । यादव काँग्रेसबाट सुखीपुर नगरपालिकामा मेयरका आकांक्षी रहेका थिए । तर काँग्रेसबाट टिकट नपाउने भएपछि जनमतमा प्रवेश गरेको उनका निकटस्थहरू बताउँछन् ।

यादव सुखीपुर नगरपालिकाका काँग्रेसका प्रभावशाली युवा नेता हुन् । गत स्थानीय चुनावमा पनि टिकटको लागि अग्र स्थानमा नाम चयन भएता पनि टिकट पाएका थिएन् । यस पल्ट पनि टिकट नपाएपछि जनमतमा प्रवेश गरेका हुन् । वहाँले पार्टी कामको साथ साथै सुखीपुरमा सुखीपुर नगर सुधार समिति गठनगरी विभिन्न प्रकारका समाजिक कार्यहरु गर्दै आएका हुन् ।

तत्कालीन सरकारले सुखीपुर नगरपालिकालाई गाउँपालिका बनाएपछि यादवले सुखीपुर नगरपालिकाका बचाऊ संघर्ष समिति गठन गरेर संयोजकबनी आफू पनि आमरण अनशनमा बसेर नगरपालिका फर्काउन सफल भएका हुन । वहाँले गरेका कार्यहरु सुखीपुर नगरपालिकाको प्रत्येक नागरिकको लोकप्रिय भएता पनि काँग्रेसले टिकट नदिएपछि पार्टी परिवर्तन गरेर जनमतमा प्रवेश गरी मेयर टिकट पाएपछि वहाँका शुभचिन्तकहरु खुशि भएका छन् ।

यता, मेयरका टिकट पाउनेहरुमा नेकपा एमालेबाट राम औतार यादव, नेपाली काँग्रेसबाट राम कुमार यादव (बाबा), जसपाबाट जिवछ यादव, लोसपाबाट दौरिक चौधरी, नेकपा एकीकृत समाजवादीबाट हरिवंश महतो र माओवादी केन्द्रबाट विनोद यादवलाई टिकट दिने पक्का भएको बजारमा चर्चा भए रहेको छ ।