'ना खाऊंगा ना खाने दूंगा' भन्दै सुखीपुर नगरपालिकाको मेयर पदको उम्मेदवारी घोषणा सुखीपुरको मेयरमा नेपाली कांग्रेसका युवा नेता यादवको उम्मेदवारी घोषणा

रोयाण्टर मण्डल
सुखीपुर (सिरहा) । आगामी ३० वैशाखमा हुने स्थानीय तह निर्वाचनका लागि नेपाली कांग्रेसका युवा नेता वीपि भुवन यादवले सुखीपुर नगरपालिकाको मेयरमा उम्मेदवारी घोषणा गरेका छन् ।

 

यादवले सुखीपुर नगरपालिकाको जन्म दिनको अवसरमा गायत्री संकल्प यज्ञको कुण्डमा बसी “भ्रष्टाचार मुक्त नगर – समृद्ध नगर” बनाउने आफु केही सेवा सुविधा नलिई जनताको सेवक बनेर सेवा गर्ने संकल्प लिएर सुखीपुर नगरको मेयर पदका लागि उम्मेदवारी घोषणा गरेका हुन् ।

नगर सुधार समिति सुखीपुरका संयोजक समेत रहेका यादवले मेयर बनेपछि 'ना खाऊंगा ना खाने दूंगा' प्रतिबद्धता समेत सार्वजनिक गरेका छन् ।

 

सिरहा क्षेत्र नम्बर २ मा प्रदेश प्रतिनिधीमा चयन हुनभएका युवा नेता यादव लामो समयदेखि कांग्रेसको राजनीतिमा सक्रिय छन् ।

 

सुखीपुर नगरपालिकालाई तत्कालिन सरकारले गाउँपालिकामा परिवर्तन गरेपछि विभिन्न चरणबद्ध आन्दोलन गर्दै आमरण अनशनको संयोजक बनी सरकारलाई नगरपालिकामा पुन फर्काउन घुटना ठेकाएर मांग पुरा गराउनेहरुमा वहाँ पनि हुन् ।

 

राजनीतिमा सक्रियता सँगसँगै वहाँले गाउँ समाजको हकहितका लागि समेत निरन्तर काम गर्दै आए रहेका छन् । जीवनको महत्वपूर्ण उत्पादनशील समय देश, जनता र लोकतन्त्रको लागि खर्चेको बताउने यादव एक उर्जाशील युवा नेता हुन् ।