तथ्यांकमा काेराेना भाइरस - COVID - 19

काँकटभिट्टा नाकाबाट अवैध औषधी भित्रिंदै

  • प्रकाशित मितिः पुष 13, 2074
  • मधेश स्पेशल
  • 466 पटक पढिएको

१३, पुष २०७४ / झापा: भारतीय औषधी कम्पनीले पूर्वी नेपालमा नेटवर्किङ मार्फत प्रतिबन्धित औषधीको बिक्री वितरण गर्न झापाको पूर्वी नाका काकँडभिट्टालाई प्रयोग गरेको खुलेको छ । सरकारले स्वीकृति नदिएको भारतीय कम्पनीका औषधी नेपाल भित्र्याउन संलग्न नेपाली युवायुवतीलाई सशस्त्र प्रहरीले नियन्त्रणमा लिएर सोधपुछ गर्दा उक्त रहस्य खुलेको हो । पूर्वको झापा, मोरङ, सुनसरी, इलाम लगायतको जिल्लामा ओरिन्स् भारतीय कम्पनीले उत्पादन गरेको आयुर्वेदिक औषधीलाई नेटवर्किङमार्फत नेपाली बजारमा बिक्री वितरण गराउन कलेज पढ्ने युवायुवतीलाई प्रयोग गर्दै आइरहेको अनुसन्धानबाट खुलेको सशस्त्र प्रहरी बल राजश्व तथा भन्सार सुरक्षा गुल्म काँकडभिट्टाबाट डिएसपी दिनेश बस्नेतले जानकारी दिए । रोजगारीको आश्वासनमा युवायुवतीलाई अवैध कारोबारमा संलग्न गराएको उनले बताए ।

काकँडभिट्टा नाकाबाट भित्र्याएको २ लाख ३२ हजार मुल्य बराबरको नेपालमा प्रतिबन्धित आयुर्वेदिक औषधी सशस्त्र प्रहरीले बरामद गरेको छ । सशस्त्र प्रहरी बल राजश्व तथा भन्सार सुरक्षा गुल्म काँकडभिट्टाबाट खटिएको टोलीले काँकडभिट्टाको मूल गेट र जोरसिमल चेकपोष्टबाट उक्त मूल्य बराबरको आयुर्वेदिक औषधी बरामद गरेको हो । सरकारले प्रतिबन्ध लगाएको ओरिन्स् भारतीय कम्पनीले उत्पादन गरेको विभिन्न किसिमका आयुर्वेदिक औषधि बरामद गरिएको सशस्त्र प्रहरी नायव उपरीक्षक बस्नेतले जानकारी दिए । उनका अनुसार ओरिन्स् कम्पनीका ट्रोनिक्स, जुस, क्रिम, टेब्लेट लगायतको औषधी फेला परेको छ । बरामद गरिएको औषधीलाई मेची भन्सार कार्यालय काँकडभिट्टा बुझाइसकेको डिएसपी बस्नेतले बताए ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

सुखीपुरको शिव चौकमा प्रहरी पोष्ट स्थापना

रोयाण्टर मण्डलसुखीपुर (सिरहा) / सुखीपुर नगरपालिका वडा नम्बर ७ मा अस्थाई प्रहरी चौकी स्थापना गरिएको छ । सोम

सुखीपुरमा दोस्रो नगर स्तरीय खिचडी महोत्सव

सिरहा / सिरहाको सुखीपुर नगर पालिकामा दोस्रो नगर स्तरीय खिचडी महोत्सव यसपाली पनि हुने भएको छ । प्रकृती बचा

सुखीपुर नगरपालिकाको कार्यालयमा कुकर बम फेला

रोयाण्टर मण्डलसुखीपुर (सिरहा) / सुखीपुर नगरपालिकाको प्रमुख प्रशासकीय अधिकृतको कार्यालय कोठा गेट नजिकै कु

सुचना तथा प्रसारण विभाग: ९७८–२०७५/७६

Copyright © 2013 / 2021 - Madheshspecial.com All rights reserved

प्रेस काउन्सिल नेपाल: २४६–२०७५/७६