कमला नगरपालिकामा कलश यात्रा

मनिष कुमार मण्डल

जनकपुरधाम । धनुषाको कमला नगरपालिकामा कलश यात्रा कार्यक्रम सम्पन्न भएको छ । राघो भुया पुजाको अवसरमा कलश यात्रा कार्यक्रम सम्पन्न भएको हो ।

 

पुजारी तपेश्वर मण्डलको नेतृत्वमा कलश यात्रा कार्यक्रमको आयोजना गरिएको हो । डुबलकोट हतलेतबाका महिला तथा कुमारी कन्याहरुले कमला नदीमा जल भरी कमला नगरपालिकामा–९ डुबलकोट स्थित रहेको राघो भुया मन्दिरमा जल अर्पण गरेका थिए ।

 

प्रत्येक वर्ष धुमधामका साथ आजै दिन पुजा मनाउँदै आएको छ । महिला तथा कुमारी कन्याहरुले कमला नदीमा जल भरी पैदल यात्राबाट राघो भुया मन्दिरमा जल अर्पण गरेको कमला नगरपालिकाकी मिन्टु मण्डले बताईन् ।

 

धानुक जातिको कुल देवता रहेको छ तर मनोकामना पुरा भएपछि अन्य जातिहरुको विशेष सहभागितामा आज बुधवार बाँजागाजा सहित धर्मावलम्वीहरुले नाचनाग गर्दै पैदल यात्रामा राघो भुया मन्दिरमा चल चढाएर पुजापाठ गरिएको थियो ।

कलश यात्रामा सहभागि भएका भक्तजनहरुले कमला नदीबाट जल ल्याएर राघो भुया मन्दिरमा चढाएर पुजाको शुभारम्भ भएको मन्दिर पुजारी मण्डलले जनाएको छ ।