कांग्रेस नगर सभापतिमा यादव निर्वाचित

रोयाण्टर मण्डल
सुखीपुर (सिरहा) / नेपाली काङ्ग्रेस सुखीपुर नगरपालिकाको सभापतिमा प्रभाष कुमार यादब (मिथुन) निर्वाचित भएका छन् ।

तत्कालीन महाधिवेशन महासमिति सदस्य राम प्रसाद चौधरी (राम जानकी) लाई २० मतले पराजित गर्दै यादव नगर अधिबेशनबाट नगर सभापतिमा विजयी भएका हुन् । उनी जिल्ला सभापति राम चन्द्र यादव पक्षका हुन् ।

निर्वाचीत यादवले कुल मतको ९५ मत प्राप्त गरेको थियो भने अर्को उमेरद्वार चौधरीले ७५ मत प्राप्त गरेका थिए ।

नगरका अन्य पदमा सर्वसम्मत चयन भएता पनि नगर सभापतिमा सर्वसम्मत नेतृत्व चयन हुन नसकेपछि यादव र चौधरी चुनावी मैदानका उत्रिएका थिए । नव निर्वाचित यादव कांग्रेसका युवा नेता हुन् ।