नेपाली कांग्रेसको शुभकामना आदान प्रदान कार्यक्रम सम्पन्न

सुखीपुर समाचारदाता
सुखीपुर (सिरहा) / नेपाली कांग्रेसले आज सुखीपुरमा शुभदिपावली तथा छठ पर्वको अवसरमा शुभकामना आदान प्रदान कार्यक्रम गरेको छ ।

कार्यक्रममा जिल्ला सभापति रामचन्द्र यादव, जिल्ला उपसभापति विष्णु बानिया, नेता तपेश्वर यादव लगायतले शुभकामना दिदै कांग्रेसका हरेक कार्यकर्ता क्षमतावान र नैतिकवान रहेको बताउँदै एक जुट भएर लागेमा जुनसुकै मिसन सफल हुने बिश्वास व्यक्त गर्नु भएको थियो ।

 

नेपाली कांग्रेस सुखीपुर नगर कार्य समितिको आयोजनामा सुखीपुर ब्यपार समितिको प्राङ्गनमा शुभकामना आदान प्रदान कार्यक्रमको प्रमुख अतिथी सिरहाका जिल्ला सभापति राम चन्द्र यादव रहेको थियो भने सुखीपुर नगर कार्य समितिको नगर संयोजक अर्जुन यादवको अध्यक्षतामा सम्पन्न भएकोे सोही पार्टीका युवा नेता मिथुन यादवले जानकारी गराउनुभयो ।

त्यसैगरी, नेपाली कांग्रेस क्षेत्रीय कार्यसमिति सिरहा क्षेत्र नम्बर २ को आयोजना सिरहाको औरही गाउँपालिका वडा नम्बर २ तुलसीपुरमा आदानप्रदान तथा चियापान कार्यक्रम सम्पन्न भएको छ ।
सो कार्यक्रमको प्रमुख अतिथि नेपाली कांग्रेसका केन्द्रिय कोषाध्यक्ष सीता देवी यादव , विशिष्ट अतिथिमा पदम नारायण चौधरी, पुर्व सांसद अमिय कुमार यादव, प्रदेश सांसद नरेश कुमार यादवको उपस्थिति तथा क्षेत्रीय सभापति राम चन्द्र यादवको अध्यक्षतामा कार्यक्रम भव्यताको साथ सम्पन्न भएको नेपाली कांग्रेसको युवा नेता किरण यादवले जानकारी गराउनुभयो ।