सुखीपुरमा दङ्गल प्रतियोगिता

रोयाण्टर मण्डल
सुखीपुर (सिरहा) / ग्रामीण समुदायमा पहिले निकै लोकप्रिय रहेको हाल लोप हुदै गएको नगर स्तरीय कुस्ती (दङ्गल) प्रतियोगिता सिरहाको सुखीपुरमा सम्पन्न भएको छ ।

शुक्रबार नगर सुधार समिति आयोजना र विद्यानगर युवा समाजको सहयोगमा प्रथम नगर स्तरीय कुस्ती प्रतियोगिता सुखीपुर नगरपालिका वडा नम्बर २ स्थित विद्यानगरमा आयोजना गरिएको थियो ।

प्रतियोगितामा विभिन्न उमेरसमूहमा सुधीर कुमार यादव प्रथम, धिरोज कुमार यादव दोस्रो र सुभाष कुमार यादव तेस्रो भएका छन् ।

विजेतालाई आयोजक संस्थाका अध्यक्ष विपी भुवन यादवले विजय भएका सबै कुस्ती खेलाडीहरुदलाई तग्माको पुरस्कार वितरण गरेको थियो ।
लोप हुन लागेको कुस्ती प्रतियोगिता हेर्नका लागि ठूलो संख्यामा स्थानीय दर्शकको भिड लागेको थियो । भिडमै महिलाहरुको पनि उल्लेखिय सहभागिता रहेको थियो ।