लेखक बनियाको ‘मानव शास्त्रीय ज्ञान’ नामक पुस्तक विमोचन

रोयाण्टर मण्डल
सिरहा / लेखक भोला बनिया द्वारा लिखित ‘मानव शास्त्रीय ज्ञान’ नामक पुस्तक विमोचन भएको छ ।

लोसापा पार्टी कार्यालय बबरमहल काठमाडौंमा शनिवार आयोजित एक कार्यक्रमबीच लोकतान्त्रिक समाजवादी पार्टी (लोसपा) का अध्यक्ष महन्त ठाकुरले पुस्तक विमोचन गरेका हुन् ।

लेखक बनियाले प्रागैतिहासिक मान्छे (पत्थर युगका मानिस) र मधेश पहिचान मुद्दाबारेमा पुस्तक लेखेका हुन् ।

मधेशमा बिधमान मानवशास्त्रीय ज्ञान र त्यसको अवस्था बारे खोज अनुसंधान यस पुस्तकमा रहेको छ । मधेशको उत्पती, ईतिहास, आर्थिक, राजनितिक लगायतका बिषयवस्तु पुस्तकमा समावेश गरिएको लेखक बनियाले स्वागत मन्तव्य व्यक्त गर्दै पुस्तकको बारेमा जानकारी गराएका हुन् ।

कार्यक्रममा लोसपा नेता तथा प्रतिनिधी सभासदस्य लक्ष्मण लाल कर्ण ,.अनिल कुमार झा , शेखर सिंह , चन्दा चौधरी ,एकबाल अहमद मियाँ ज्यू, लोसपा नेता केशव झा , डा.सुरेन्द्र झा ,सञ्जय यादव र मधेशी पत्रकार समाजका अध्यक्ष मोहन सिंह ज्यू लगायतको उपस्थितीमा मधेशी पत्रकार समाजको आयोजनामा कार्यक्रम सम्पन्न भएको छ ।