एकीकृत समाजवादीमा १२ प्रदेशको इञ्चार्ज तोकियो , प्रदेश नम्बर २ मा धर्मनाथ साह भौगोलिक र पाँच गैरभौगोलिकसहित १२ प्रदेशको इञ्चार्ज

  • प्रकाशित मितिः भदौ 19, 2078
  • मधेश स्पेशल
  • 434 पटक पढिएको

नवगठित नेकपा एकीकृत समाजवादी पार्टीले प्रदेशमा इञ्चार्ज तोकेको छ । नेकपा समाजवादीले प्रदेशको पार्टी कामलाई संयोजन गर्न सात भौगोलिक र पाँच गैरभौगोलिकसहित १२ प्रदेशको इञ्चार्ज तोकेको जनाएको छ ।

 

पार्टीले आज जारी गरेको अन्तरपार्टी निर्देशन (अपानी)–१ मा प्रदेश इञ्चार्ज तोक्नुका साथै नेताहरुको जिम्मेवारीसमेत बाँडफाँड गरिएको छ । जसअनुसार स्थायी कमिटी, सचिवालय र विभिन्न विभागीय जिम्मेवारी तोकिएको छ ।

 

नेकपा समाजवादीले आगामी पार्टीको राष्ट्रिय सम्मेलनबाट केन्द्रीय कमिटीलाई पूर्णता दिएर पदाधिकारी चयन नहुँदासम्म हाइकमाण्डका रुपमा पाँच सदस्यीय स्थायी कमिटी चयन गरेको छ । जसमा अध्यक्ष माधवकुमार नेपाल, वरिष्ठ नेता झलनाथ खनाल, मुकुन्द न्यौपाने, डा। बेदुराम भुसाल र प्रमेश हमाल रहेका छन् ।

 

साथै, पार्टीको दैनिक कार्य सम्पादनका लागि भुसालको संयोजकत्वमा प्रमेश हमाल, राजेन्द्र पाण्डे, डा. गंगालाल तुलाधर, डा. विजय पौडेल, जयन्ती राई र जीवनराम श्रेष्ठ रहेको सचिवालय पनि गठन गरिएको छ भने केन्द्रीय कार्यालय सचिवको जिम्मेवारी डा. तुलाधरलाई दिइएको छ ।

 

त्यस्तै, अदालत र निर्वाचन आयोगसम्बन्धी काम हेर्ने जिम्मेवारी नेता राजेन्द्र पाण्डे, विजय पौडेल र रामकुमारी झाँक्रीलाई तथा संसदीय कामको जिम्मेवारी विरोध खतिवडा, कल्याणी खड्का, जीवनराम श्रेष्ठ र ठगेन्द्र पुरीलाई तोकिएको जनाइएको छ ।

 

पार्टीले तोकेका प्रदेश इञ्चार्जहरुमा प्रदेश १ मा घनेन्द्र बस्नेत, प्रदेश २ मा धर्मनाथ साह, बागमती प्रदेशमा केदार न्यौपाने, गण्डकी प्रदेशमा केशबलाल श्रेष्ठ, लुम्बिनी प्रदेशमा भागवत विश्वासी, कर्णाली प्रदेशमा प्रकाश ज्वाला र सुदूरपश्चिम प्रदेशको सम्बन्धमा पछि तय गर्ने भनिएको छ ।

 

त्यसैगरी उपत्यका विशेष प्रदेशमा विश्वनाथ प्याकुरेल, सम्पर्क विशेष प्रदेशमा विजय गुरुङ, मोर्चा इञ्चार्जमा डा. विजय पौडेल, प्रचार विभाग प्रमुखमा जगन्नाथ खतिवडा र प्रवास क्षेत्रमा श्रीप्रसाद शाह रहनुभएको हो । सभार– जन आस्था

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

प्रदेशकै नमुना उपभोक्ता समिति , स्टिमेट भन्दा बढी काम गरेता पनि बचत भयो ९ लाख ३५ हजार रुपैयाँ

विन्दे यादवसुखीपुर (सिरहा) / नेपालमा भ्रटाचार भए रहेको खवर बारम्बार संचार माध्यमबाट समाचार सुनी रहनु हुन्

विद्यापति पुरस्कार पाउने पाँच जना स्रष्टाहरुको नाम सार्वजनिक

विन्दे यादवसुखीपुर (सिरहा) । नेपाल विद्यापति मैथिली भाषा साहित्य पुरस्कार साहित्यकार रमेश रञ्जन झालाई प्

सुखीपुरमा नेकपा एमाले र नेपाली काँग्रेस बीचको गठबन्धन विजयी

रोयाण्टर मण्डलसिरहा । सुखीपुर नगरपालिकाको नगर कार्यपालिका चुनावमा नेकपा एमाले र नेपाली काँग्रेस बीचको

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६