भन्सार छलेर ल्याइएको ७५ लाख बराबरको अबैध औषधि बरामद

रोयाण्टर मण्डल
सिरहा / प्रहरीले भन्सार छलेको ७५ लाख रूपैयाँ बराबरको अबैध औषधि बरामद गरेको छ ।

ईलाका प्रहरी कार्यालय लहानबाट खटिएको प्रहरी टोलीले लहान–ठाडी सडक अन्तर्गत लहान नगरपालिका वडा नम्बर १९ कटहाचौकमा आज शनिवार विहान भन्सार छलेको सामग्रीहरू बरामद गरेको हो ।

टोलीले रेकल–के २–७ नाम गरेको औषधि १५ कार्टुन, वेथोकल ट्याव्लेट १०कार्टुन र क्यारेकल ५ वटा कार्टुनगरी ७५ लाख रुपैयाँ बरावरको अबैध औषधि बरामद गरेको छ ।

 

लु.१स ८००७ नम्वरको अट्टोमा लोडगरी ल्याउदै गरेको क्रममा प्रहरीलाई देखेर अट्टो छाडी चालक भागेपछि खान तलासी गर्दा सो सामग्री बरामद भयो । बरामद सामग्री र अट्टो भन्सार कार्यालय ठाडी बुझाई सकेको जिल्ला प्रहरी कार्यालय सिरहका सूचना अधिकारी सुवास बुढाथोकीले जानकारी गराउनुभयो ।