पार्टी विभाजन भएसँगै प्रदेश २ का जनप्रतिनिधिहरू दलबदल

  • प्रकाशित मितिः भदौ १८, २०७८
  • मधेश स्पेशल
  • 566 पटक पढिएको

शैलेन्द्र महतो

जनकपुर / जनता समाजवादी पार्टी र नेकपा एमाले विभाजन भएसँगै प्रदेश २ का जनप्रतिनिधिहरू पनि दलबदलमा लागेका छन्।


एमाले विभाजन भएर एकीकृत समाजवादी पार्टी र जसपा विभाजन भएर लोकतान्त्रिक समाजवादी पार्टी खुलेपछि जनप्रतिनिधि दलबदलमा लागेका हुन्।

बम
एमाले र जसपा छाड्ने संघीय सांसद प्रदेश सांसद र स्थानीय तहका जनप्रतिनिधि एसपा र लोसपमा सनाखत गर्न मंगलबारदेखि जिल्ला निर्वाचन कार्यालयमा पुग्नथालेका छन्।


निर्वाचन कार्यालयमा भदौ २२ गतेसम्म रहेको सनाखत गर्ने निर्वाचना आयोगले समय तोकेको छ।

मधेशवादी दलको आधार क्षेत्र रहेको प्रदेश २ मा जसपाबाट महन्थ पक्षका सांसद लोसपामा सनाखत गर्न थालेका छन्। पूर्वसंघीय समाजवादी फोरमको ३० र राजपाको २५ गरी ५५ जना प्रदेश सांसद छन्।

आफ्नो पक्षमा बढीभन्दा बढी प्रदेश सांसद बचाउन र आफ्नो पार्टीमा तान्न जसपा अध्यक्ष उपेन्द्र यादव र लोसपा अध्यक्ष महन्थ ठाकुर जनकपुरमा केन्द्रित भएका हुन्।

लोसपा अध्यक्ष ठाकुरसहितका केन्द्रीय नेता बुधबार नै जनकपुर आइपुगेका छन् भने जसपा अध्यक्ष यादव बिहीबार मध्याहन्न १२ बजे जनकपुर आएका छन्। दुवै दलका केन्द्रीय नेता भदौ २२ गतेसम्म जनकपुरमै रहनेछन्।

जसपा अध्यक्ष यादव २२ गतेसम्म नै जनकपुरमा रहने सो पार्टीका प्रतिनिधिसभा सदस्य डा। सुरेन्द्र यादवले जानकारी दिए ।

बुधबार निर्वाचन कार्यालय पुगेर जसपाका ११ जनाले लोसपामा सनाखत गरेका थिए भने केही जसपाका सांसदले आज बिहीबार सनाखत गर्दै छन्।

बढीभन्दा बढी सांसद र स्थानीय तहका जनप्रतिनिधि आफ्नो पार्टीमा बचाउन र तान्नका लागि ती नेताहरुले कसरत गरिरहेका छन्।

यसैबीच नेकपा एमालेका ११ जना सांसदले आज एकीकृत समाजवादी पार्टीमा सनाखत गर्ने तयारी गरेका छन्। एमालेका २१ प्रदेश सांसदमध्ये माधव नेपालमा १३ जना सांसद खुलेका छन्।

जसमध्ये २ सांसद केही कारणवश बाहिर रहेकाले आज ११ जनाले सनाखत गर्ने प्रदेश सांसद सत्रुधन महतोले जानकारी दिए।

अन्य २ जनालगायत अरु केही सांसदले अर्को दिन सनाखत गर्ने उनले बताए।
सभार– नेपाल खबर

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

३४ वर्षअघि महाधिवेशन भएको स्थल सिरहाको अम्बासमा नेकपा एमाले सचिवालय बैठक हुने

जिवछ उदासी सिरहा / पञ्चायती व्यवस्था ढाल्न तत्कालीन नेकपा (माले) को चौथो महाधिवेशनबाट मदन भण्डारी महासचिव

दश हजार घुस सहित रंगेहात अमिन पक्राउ

 राेयाण्टर मण्डल लहान / घुस रकम सहित सिरहाका एक अमिन रंगेहात पक्राउ परेका छन् । अख्तियार दुरुपयोग अनुसन�

सिरहाका एक प्रधानाध्यापकले नक्कली बिल भरपाई बनाई गरे करोडौ रकम भ्रष्टाचार

रोयाण्टर मण्डल सिरहा / सिरहाको एक माध्यमिक विद्यालयका प्रधानाध्यापकले नक्कली बिल भरपाई पेश गरी करोडौ रक�

सुचना तथा प्रसारण विभाग: ९७८–२०७५/७६

Copyright © 2013 / 2023 - Madheshspecial.com All rights reserved

प्रेस काउन्सिल नेपाल: २४६–२०७५/७६