हतियारधारी डाका समुहले गरे पत्रकार साहको घरमा डकैती

रोयाण्टर मण्डल
लहान / सिरहामा गएराति (विहीवार राती) फेरी डकैती भएको छ ।

धनगढीमाई नगरपालिका वडा नम्वर ५ फूलकहाकट्टी वस्ने पूर्वाञ्चल एक्सप्रेस संचालक÷सम्पादक पत्रकार संतोष कुमार साहको घरमा डकैती भएको हो ।

 

विहीवार राती १२ बजेको समयमा ८/१० जनाको समूहमा आएका लुटेरा हतियारधारी समुहले ४० हजार नगद , मोवाईल, ल्यापटप र गरगहना लागयतका समान लुटेर फरार भएका छन् ।

 

लुटेराहरू घरमा प्रवेशगरी हतियार मलाई डोरीले बाँधी घरको सबै जनालाई हतियार देखाएर नियन्त्रणमा लिएर दराजको साँचो मागेपछि साचो छैन् भनेपछि कुटपिटगरी दराज फुटाई दराज भित्र रहेको ४० हजार रुपैयाँ नगद , सबै परिवारको साथमा रहेको ६ वटा मोवाईल, समाचार लेखनका लागि राखिएको १ थान ल्यापटप, एक सेट सिसि क्यामरा र विभिन्न तौल भएको ढेड तोला सुन र चाँदी लगायतको समानहरु लुटेर लगेका पत्रकार संतोष कुमार साहले जानकारी गराउनुभयो ।

 

लुटपात गरेर भागेपछि मात्रै छिमेकका घरमा गएर छिमेकीहरुलाई जानकारी गराए पछि सबैलाई जानकारीभयो । छिमेकीकै मोवाईलबाट प्रहरीलाई जानकारी गराउँदा केही छिनमै घटना स्थलमा ईलाका प्रहरी कार्यालय धनगढी र ईलाका प्रहरी कार्यालय लहानका टोली पुगी अनुसन्धान थालिएको थियो ।

 

सिरहाको लहानमा तीन ठाउँमा हतियारधारी समूहले लुटपात गरेको घटना नसेलाउँदै लहान संगै रहेको धनगढीमाई नगरपालिका लुटपात भएपछि सिरहामा लुटपातको घटना मौलाउदै गएको छ ।

यस घटनाको बारे जानकारी लिन जिल्ला प्रहरी कार्यालय सिरहाका प्रवक्ता शालिग्राम शर्माको मोवाईलमा फोन गर्दा फोन नउठाएपछि थप जानकारी आउन सकेका छैन् ।