सिरहा प्रहरीकाे सक्रियता अक्सिजन सिलिण्डर सङ्कलन गर्दै

राजेन्द्र महताे
लहान / सिरहाको विभिन्न ठाउँबाट प्रहरी ले सिलिण्डर सङ्कलन गर्न थालेको छ ।

अक्सिजनका लागि सिलिण्डर अभाव हुन थालेपछि सिरहा प्रहरीले सिलिण्डर सङ्कलन गर्न थालेको हो ।

कोभिड १९ का कारण देशभर अक्सिजन सिलिण्डहरुको अभाव भईरहेका बेला जिल्ला प्रहरी कार्यालय सिरहा र मातहतका प्रहरी कार्यालय को सयुक्त टोलीले सिरहाको विभिन्न निजी उद्योगहरुबाट अक्सिजन सिलिन्डर सङ्कलन गरेको छ ।

जिल्ला प्रहरी कार्यालय सिरहा र ईलाका प्रहरी कार्यालय मिर्चैयाको टोलिले मिर्चैया नपा -१ स्थित सूर्या सिमेन्ट उद्योग प्रा . लि .बाट ३० थान सिलिण्डर सङ्कलन गरेको छ।

त्यस्तै सोही टोलिले कर्जन्हा नपा -४ बन्दिपुर स्थित प्रशान्त वालुवा प्रशोधन उद्योगबाट ३ थान सहित ३३ थान सिलिण्डर सङ्कलन गरेको छ।

सङ्कलित सिलिण्डर डीसीसीएमसी सिरहाको निर्णय बमोजिम स्वास्थ्यकार्यालय सिरहाको पत्रानुसार अक्सिजन रिफिल गरी आवश्यकता अनुसार परिचालन गर्न रेडक्रस सोसाइटी सिरहा शाखाको जिम्मा लगाइएको जिल्ला प्रहरी कार्यालय सिरहाका प्रमुख तथा प्रहरी उपरीक्षक हिरा बहादुर पाण्डेले बताएका छन।

अहिले देशभर अक्सिजन सिलिण्डरको अभाव का कारण कोरोना सङ्क्रमितहरुले ज्यान समेत गुमाउनुपर्ने अवस्था रहेको देखिन्छ ।