लहानमा फेरी डकैती, हतियार देखाएर लाखौ लुटेर फरार

रोयाण्टर मण्डल

लहान / सिरहाको लहान नगरपालिका–१ सिग्राही मटिर्वाको नयाँ वस्तीमा डकैती भएको छ । स्थानीय ईन्द्र देव ठाकुरको घरमा ७/८ जनाको समूहमा आएको डाँकाहरुले मध्यरात (१२ बजेर ३६ मिनेट ) मा डकैती गरेका हुन् । उनीहरुले ६ लाख बराबरको नगद र गरगहना लुटेर फरार भएको ईलाका प्रहरी कार्यालय लहानले जानकारी दिए ।

 

घरमा डाँका हुने बेलामा घरको सम्पुर्ण सदस्यको मोवाईल नियन्त्रमा लिएपछि लुटेर लगेको छ । लुटेर लगेपछि राती नै पिडतले छिमेकीलाई जानकारी गराएपछि छिमेकीले फोन गरेर प्रहरीलाई तत्काल जानकारी गराउन फोन लगाउदा ईलाका प्रहरी कार्यालय लहानको संचार शाखाको मोवाईल सेटमा फोन गएता पनि फोन उठेन् । त्यसपछि फोन सेटमा फोन लगाउदा घण्टी मात्रै बोली रहे फोन उठेन । बारम्बार फोन गरेपछि मात्रै फोन उठेपछि प्रहरी आएको पिडित ठाकुरको गुनासो रहेको छ ।

घर छठमा सिढीलाई चढेर घरमा प्रवेश गरी पिडित ठाकुरका दुवै छोरालाई कन्चटमा पेस्तौल राखी दराजको साचो लिई दराज भित्र रहेको नगद ६ लाख रुपैयाँ र छोरी बुहारीले लगाएको लगभव २ तोला सुन र २० तोला चाँदी लुटेर लगेको पिडितका छोरा ओम ठाकुरले बताए ।

सूचना पाएलगतै ईलाका प्रहरी कार्यालय लहानबाट गएको प्रहरी टोली घटनास्थल पुगेका थिए । पुगेर राती देखि नै अनुसन्धान थालिएको छ । प्रहरीले डाँकाहरुको समूहलाई प्रकाउ गर्न सकेको छैन । डाँकाहरुको खोजी भइरहेको ईलाका प्रहरी कार्यालय लहानले जनाएको छ ।

लहान नगरपालिकामा बारम्बार डकैटी चोरीका घटना वृद्धि भए रहेको प्रति जनता त्रासमय बनेको छ ।