सुखीपुरमा जोगिरा गायन प्रतियोगिता सम्पन्न

रोयाण्टर मण्डल / ओम प्रकाश गुप्ता
सिरहा / तराई मधेशको लोकप्रिय होलीमा गाईने जोगिरा गीत लोप हुँदै गईरहेकोले संरक्षण गर्ने उद्देश्यले होली मिलन आउर जोगिरा गायन प्रतियोगिता सम्पन्न भएको छ ।

सिरहाको सुखीपुर नगरपालिका वडा नम्बर ८ स्थित एप मन्टेश्वरी स्कुलको अगाडीमा नयाँ नेपाल एकिकृत विकास केन्द्र सुखीपुरको आयोजना एप मन्टेश्वरी स्कुल सुखीपुरको प्रायोजकमा भएको जोगिरा गायन प्रतियोगितामा तीन स्थानीय तहका ४ वटा टोली सहभागी रहेको थियो ।

प्रतियोगितामा सुखीपुर नगरपालिका २ वटा टोली, धनगढीमाई नगरपालिकाका १ वटा टोली र औरही गाउँपालिकाका १ वटा टोलीको सहभागिता रहेको थियो ।

प्रतियोगितामा धनगढीमाई नगरपालिका वडा नम्बर ५ गोठ चौकको टोली प्रथम पुरस्कार जित्न सफल भएको छ । त्यस्तै दोस्रो पुरस्कार सुखीपुर नगरपालिका वडा नम्बर ८ महदेवा , तेस्रो पुरस्कार सुखीपुर नगरपालिका वडा नम्बर २ विद्यानगर र चौथो पुरस्कार औरही गाउँपालिका तुलसीपुरका समुह समूह जित्न सफल भएको हो ।

 

जोगिरा गायन प्रतियोगितामा प्रथम टोलीलाई २ भरको चाँदीको तग्मा , दोस्रो हुने टोलीलाई डेढ भरिको चाँदीको तग्मा , तेस्रो हुने टोलीलाई १ भरिको चाँदीको तग्मा र चौथोे हुने टोलीलाई सन्तावना पुरस्कार प्रदान गरिएको छ ।

कार्यक्रममा पुरस्कार वितरणमा लागेको सबै तग्माको खर्च सुखीपुर नगरपालिका वडा नम्बर ८ का वडा सदस्य महेश कुमार साहले प्रदान गर्नुभएको थियो । त्यसैगरी शिवं बचत तथा ऋण सहकारी संस्था लिमिटेड सुखीपुरका संजित कुमार यादव, सुखीपुर उद्योग ब्यपार समितिका अध्यक्ष शत्रुधन प्रसाद चौधरी , सुखीपुर वडा नम्बर ८ का वडा अध्यक्ष हरिवंश महतो र जनजागृती युवा कलबका अध्यक्ष रुपेश महतोले सहयोग गर्नुभएको थियो ।