सुखीपुर नगरपालिकाको कार्यालयमा कुकर बम फेला

रोयाण्टर मण्डल
सुखीपुर (सिरहा) / सुखीपुर नगरपालिकाको प्रमुख प्रशासकीय अधिकृतको कार्यालय कोठा गेट नजिकै कुकर बम फेला परेको छ ।

 

आज मंगलवार विहान कार्यालय खुलेपछि कार्यालय सरसफाई गर्ने बेलामा कार्यालय सहयोगीले गेट नजिक एउटा कालो ब्याग राखिएको देखेपछि सहयोगीहरुले ब्यागमा के छ हेर्न खोलेपछि कुकुर बम देखेर कार्यालय सहयोगीहरुले ब्यागलाई त्यहाँबाट तल ल्याएको राखिदिएको छ ।

 

बम फेला परेको सूचना पाउनसाथ ईलाका प्रहरी तथा सशस्त्र वेश क्याम्पस सुखीपुर ईन्चार्जहरु टोली लिएर घटना स्थल पुगिसकेको छ भने आर्मीको डिस्पोजल टोली आउदैछन् जानकारीमा आएको छ । ३ लिटरको कुकरमा विस्फोटक राखिएको छ भने माथि एउटा मोबाइल राखेर कनेक्ट गरिएको अनुमान रहेको छ ।

 

को कति बेला कसरी बम कार्यालयमा राखेको घटनाबारे थप विबरण आउन बाँकी रहेको छ । बम फेला पछि कार्यालय शिल गरिएको छ ।