टोल सुधार समितिको आयोजनामा टोल सरसफाई

ओम प्रकाश गुप्ता
सुखीपुर (सिरहा ) / आफ्नो टोल आफै सफा गरौं, वातावरण संरक्षण गरौं भन्ने नाराका साथ राम जानकी टोल सुधार समिति सुखीपुरले सडक सरसफाई कार्यक्रम गरेको छ ।

आज शनिवार विहान सिरहाको सुखीपुर नगरपालिका वडा नं. ८ स्थित रहेको शुभकामना चौक देखि ईलाका प्रहरी कार्यालय सुखीपुर सम्म सडक सरसफाई गरेको हो ।

सुखीपुरका उधोगपति अशोक प्रसाद गुप्ताको प्रमुख अतिथ्यमा भएको सरसफाई कार्यक्रममा समिति सदस्य, समाजसेवी, राजनीतिक दलका प्रतिनिधी, ईलाका प्रहरी कार्यालय र शस्त्र वेश क्याम्प सुखीपुर जवान तथा नगर सुधार समिति न.पा. सुखीपुरका अध्यक्ष वीपी भुवन यादव लगायत स्थानीयबासीहरुको सहभागिता सरसफाई गरिएको राम जानकी टोल सुधार समिति समितिका राम पुकार साहले बताउनुभयो ।