एकै वडाका ८ जनामा कोरोना पोजेटिभ

रोयाण्टर मण्डल
लहान /  सुखीपुर नगरपालिका भित्र भएको पिसिआर टेष्टमा एकै वडाका ८ जनाको कोरोना पोजेटिभ देखिएको छ ।

सुखीपुर नगरपालिका वडा नम्बर १ स्थित श्री जनता माध्यमिक विद्यालय रहेको कोरेन्टाईनमा भएको पिसिआर टेष्टमा सुखीपुर नगरपालिका वडा नम्बर ९ बैशखाका ८ जनाको पोजेटिभ आएको हो ।

सुखीपुर नगरपालिका भरीमा भएको ८३ जनाको टेष्टमा ८ जना पुरुषमा रिपोर्ट पोजेटिभ देखिएको सुखीपुर नगरपालिकाका स्वास्थ्य शाखाका प्रमुख अन्देश्वर मण्डलले जानकारी गराउनुभयो ।

काम गरेर भारत हरियाना बाट फर्किएका ४२, २८, २६, २९, २२, २१, २५ र ३५ वर्षीय पुरुष रहेका छन् ।

उनीहरुलाई आइसोलेसनका लागि सिराहाको धनगढी नगरपालिका– ११ महेन्द्र गेनाई अस्थायी कोरोना अस्पताल लगिएको छ ।