सिरहामा मेयरका छाेरा ५ लाख घुस सहित रंगेहात पक्राउ

राेयाण्टर मण्डल

लहान / सिरहाकाे कल्याणपुर नगरपालिकाका मेयरका छाेरालाई अख्तियारको टोलीले सेवाग्राहीबाट लिएको घुस सहित पक्राउ गरेको छ ।

 

कल्याणपुर नगरपालिका  मेयर सूर्यनाथ मण्डलका छोरा ३५ वर्षीय सन्तकुमार मण्डल र उनीसँगै रहेका जितेन्द्र महतोलाई ५  लाख घुस सहित अख्तियारको टोलीले आज बुधवार  लहान २२ भोटियाटोल नजिककैको एक पेट्रोल पम्पबाटै पक्राउ गरेको हो ।  

 

अख्तियार दुरुपयोग अनुसन्धान आयोग बर्दिवासका डिएसपी मधुकुमार थापाको नेतृत्वको टोलीले पक्राउ गरेको जानकारी दिए।

डिपीआर गरेको भुक्तानी दिन सेवाग्राहीसँग  मण्डलले घुस लिएको पैसा ५ लाख पनि जफत गरेको अख्तियारको टोली  डिएसपी  थापाले जानकारी दिए।

 

पक्राउ परेका दुवैजनालाई थप अनुसन्धानको लागि अख्तियार दुरुपयोग आयोगको कार्यालय वर्दिवास लगिएको छ ।