रक्तदान कार्यक्रममा २६ युनिट रगत संकलन

ओम प्रकाश गुप्ता
सुखीपुर (सिरहा) / नगर युवा संजाल सुखीपुरको आयोजना तथा नेपाल रेडक्रस सोसाइटी रक्त सञ्चार केन्द्र लहानद्वारा समन्वयन भएको रक्तदान कार्यक्रममा २६ जनाले रक्तदान गरेका छन् ।

सिरहाको सुखीपुर नगरपालिका वडा नम्बर ८ स्थित सुखीपुर उधोग ब्यपार समिति भवनमा कारोना भाइरसको महामारीका कारण वर्तमान अवस्थामा रगतको अभाव हुन नदिन रक्तदान कार्यक्रम आयोजना गरिएको थियो ।

कोरवनाको कारण लकडाउन भएको हुनाले अधिकाशं व्यक्ती घरमा रहेकाले बिरामीहरुलाई रगत कमि नहोस् भनेर कार्यक्रमको अयोजना गरिएको संजालको अध्यक्ष एवं कार्यक्रमका संयोजक शुनिल कुमार यादवले जानकारी दिनुभयो ।

रगत संकलन गरिनुले रगतको अभावमा अकालमै ज्यान गुमाउनु पर्ने परिस्थितिको अन्त्य गर्न ठूलो टेवा पुग्ने रक्तदान कार्यक्रममा वक्ताहरुले भन्नुभयो ।

तस्वीर स्रोत – सुखिपुर नगर युवा संजालको फेशबुक वालबाट