सुखीपुर- २ मा राहत वितरण सम्पन्न

राेयाण्टर मण्डल

लहान ।  सुखीपुर नगरपालिका २ नम्बर वडाले लकडाउनमा मजदुर र विपन्न नागरिकहरुलाई राहत स्वरूप खाद्यसामग्री वितरण गरेको छ।  

 

राहतकाे लागि विवाद भएपछि राहत लिन नपाएका ३ सय ४०  विपन्न परिवारलाई साेमबार राहत वितरण गरिएको हाे ।

 

 ‘लकडाउन’का कारण समस्यामा परेका ज्याला, मजदुरी गरेर गुजारा चलाउँदै आएका परिवारलाई नगरपालिकाले राहत वितरण गरेको वडा २ का अध्यक्ष भुपनेश्वर यादवले बताउनुभयाे ।

 

लकडाउन अवधिभर काम गर्न नसक्ने परिवारलाई र आम्दानीको अन्य स्रोत नभएकालाई राहत वितरण गरिएकाे छ।

 

वहाँले थप्दै भन्नुभयाे, 'विशेषगरी काम गरिखाने र दैनिक मजदुरी गरेर खाने नागरिकलाई पहिलो प्राथमिकतामा राखेर वितरण गरिएको छ।'

राहत सामग्रीको दुरुपयोग हुन नदिनको लागि सम्बन्धित वडा कार्यालयमा दुरी मेन्टनगरी राहत वितरण गरिएको वहाँले प्रष्ट पार्नुभयाे।

 

सुखीपुर नगरपालिकाले पनि नगरभित्र तत्काल राहत वितरण कार्यलाई सहज र व्यवस्थित गर्न ‘सुनपा कोरोना भाइरस (कोभिड-१९) सम्बन्धी राहत वितरण मापदण्ड, २०७६’ पारित गरिसकेको छ। नगरपालिकाले कोरोना रोकथाम राहत  वितरणमा ५० लाख रुपैयाँ बजेट छुट्टयाइएकोले  वडा २ मा पनि ५ लाख बराबरकाे राहत सामग्रीका लागि  बजेट विनियोजन गरेकाे  थियाे ।