सुखीपुरमा जंगली निल गाई र बँदेलको आतंक, किसानहरु रातभर जाग्राम

रोयाण्टर मण्डल
लहान / जंगली निल गाई र बँदेलले सिरहाको सुखीपुरमा आतंक मच्चाउन थालेको छ । सुखीपुर नगरपालिाका वडा नम्बर १०, ६ र ५ लगायतका किसानले लगाएको तरकारी र मशालाबाली नष्ट गर्न थालेको हो ।

खेतमा लगाएको तरकारी, दलहन र मशालाबाली निल गाई र बँदेलले नष्ट गर्न थालेपछि किसानहरु चिन्तित भएका छन् ।

निल गाई र बँदेलले बाली नष्ट गर्नुका साथै आतंक मच्चाउन थालेको सुखीपुर नगरपालिका वडा नम्बर १० बस्ने स्थानिय बासिन्दा किसान मेदी लाल महतोले बताए ।

यसले गर्दा तरकारी, दलहन र मशालाबाली यस क्षेत्रमा उत्पादनमा कमी आउने र दैन चर्यामा किसानहरुको समस्या उत्पन्न हुने चिन्तामा रहेका छन् ।

उनले भने ‘ जंगली निल गाई र बँदेल भगाउन आफुहरु रातभर जाग्राम बस्नुपर्ने बाध्यता आईपरेको छ । मेहन्तले लगाएको बाली बदेंलले नष्ट गर्न थालेको छ । बाली जोगाउनको लागी यहाँका किसानहरु रातभर जग्राम बस्न बाध्य भएका छन् । आफुहरु कमै जोगाउन तथा नील गाई र बँदेल धपाउन रातभर जाग्राम बसिरहेका छौ ।’

साँझ बिहानको हातमुख जोर्नको लागि लगाएको तरकारी, दलहान र मशाला बाली जंगली जनावरको कारण किसानहरुके भोगमरीको चपेटामा पर्ने चिन्ता किसानहरुलाई भएको छ । अन्य आयआर्जनका स्रोत नभएका किसानहरु निकै मर्कामा परेका छन् ।