राजपा फुटाउन सरकारले सपना देखेर अध्यादेश ल्याएको : महतो समाजवादी पार्टी विभाजन हुँदैन : उपेन्द्र यादव

  • प्रकाशित मितिः बैशाख 9, 2077
  • मधेश स्पेशल
  • 598 पटक पढिएको

सिरहा / राष्ट्रिय जनता पार्टीका अध्यक्ष मण्डलीका सदस्य राजेन्द्र महतोले राजपा फुटाउन सपना देखेर अध्यादेश ल्याएको लागेको बताउनुभयो ।

राजापा फुटाउन बाहिर शक्ति र सरकार लागिपरेको छ र यसमा हाम्रै पार्टीका केही नेताहरूसमेत सत्ताको लालचमा छन्, तर, राजपा विभाजन पनि हुँदैन सरकारमा पनि जाँदैन । राष्ट्रिय जनता पार्टी राजपाले बहुदलीय व्यवस्था र लोकतन्त्रलाई धरापमा पार्न सरकारले राजनीतिक दलसम्बन्धी अध्यादेश ल्याउन लागेको महतोले आरोप लगाएको छ ।

सोमबार बसेको प्रधानमन्त्री तथा मन्त्रिपरिषद् बैठकले राजनीतिक दलसम्बन्धी विद्यमान कानुनमा संशोधन गर्दै पार्टी फुटाउन सजिलो हुने गरी कानुन ल्याउने प्रक्रिया सुरु गरेपछि नेता राजेन्द्र महतोले यस्तो आरोप लगाएका हुन् ।

विद्यमान कानुनी व्यवस्थामा पार्टी फुटाउन केन्द्रीय समिति र संसदीय दल दुवैमा कम्तीमा ४० प्रतिशत सदस्यको समर्थन चाहिन्छ । सरकारले सोमबार अध्यादेश जारी गर्ने तयारी गरेको कानुनमा संसदीय दलमा ४० प्रतिशत सांसदहरूको समर्थन पाए मात्रै दल फुटाएर नयाँ दल दर्ता गर्न पाइनेछ । यसको असर सबै राजनीतिक दलमा पर्ने र बहुदलीय प्रजातन्त्र धरापमा पर्ने महतोको तर्क छ । ‘अरूका लागि खाल्डो खन्ने प्रधानमन्त्री केपी ओली आफू पनि सोही खाल्डोमा फस्नेछन्,’ उनले मधेश स्पेशलसँग भने ।

महतोले राजपा नेपाल अहिले राजनीतिक विषयवस्तुभन्दा अहिलेको सङ्कटको घडीबाट कसरी मुक्ति पाउने भन्ने विषयमा केन्द्रित रहेको बताए । ‘राजपा नेपाल फुटेर एका पक्ष सरकारमा जाने भन्ने चर्चा छ नि भन्ने जिज्ञासामा महतोले हल्ला साकार पार्न नदिने बताए ।

मुलुक सङ्कटमा रहेको अवस्थामा अध्यादेश कदम प्रधानमन्त्री ओलीको मानवताविरुद्धको अक्षम्य अपराध भएको पनि महतोले टिप्पणी गरे । ‘अहिले विश्वभर मानवहरू सङ्कटमा छन्, यस्तो अवस्थामा सत्ता बलियो बनाउने र सत्ता ढाल्दै मनमौजी गर्नको लागी यो अध्यादेश ल्याइएको छ, जनता खान नपाएर सडकमा ढलिरहेका छन्, ओली सरकार तमासा हेर्दै सत्ताको खेलो फड्कोमा छ,’ महतोले भने । सोमबार बसेको मन्त्रिपरिषद् बैठकले राजनीतिक दलसम्बन्धी अध्यादेश ल्याउने निर्णय गरेपछि नेपाली राजनीतिमा तरंग छाएको छ । कोरोना महामारीको समयमा सरकारको यो कमदलाई धेरैले बेमौसमी बाजाको संज्ञा दिएका छन् ।

समाजवादी पार्टी विभाजन हुँदैन : उपेन्द्र यादव

सिरहा / समाजवादी पार्टीका अध्यक्ष उपेन्द्र यादवले अध्यादेश आएपनि आफ्नो पार्टी विभाजन नहुने दाबी गरेका छन् ।

सरकारले दल विभाजन गर्न सहज बनाउने अध्यादेश ल्याएपछि यादवको उक्त प्रतिक्रिया आएको हो । सत्तारुढ नेपाल कम्युनिष्ट पार्टी (नेकपा) भित्र समाजवादी र राजपालाई विभाजन गर्न अध्यादेश आएको चर्चा रहेको छ ।

अध्यक्ष यादवले भने,‘सरकारले ल्याएको अध्यादेशले हाम्रो पार्टी विभाजन हुँदैन । उनीहरुले कुनै मनसाय राखेरै अध्यादेश ल्याएको हो । तर, त्यो समाजवादी पार्टीमा लागु हुने छैन ।’
कोरोना महामारीका बेला लोकतन्त्रलाई समाप्त पार्ने षड्यन्त्रमा सरकार लागेको प्रतिक्रिया उनले दिए ।

देशलाई तानाशाही व्यवस्थातिर लग्न खोजिएको यादवले आरोप लगाए । कुनै राजनीतिक दल विभाजन हुन चाहेमा केन्द्रीय समिति वा संसदीय दलमा ४० प्रतिशत समर्थन पु¥याउनु पर्ने अध्यादेश सरकारले ल्याएको छ । जो राष्ट्रपतिबाट जारीसमेत भइसकेको छ ।

 

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

प्रदेशकै नमुना उपभोक्ता समिति , स्टिमेट भन्दा बढी काम गरेता पनि बचत भयो ९ लाख ३५ हजार रुपैयाँ

विन्दे यादवसुखीपुर (सिरहा) / नेपालमा भ्रटाचार भए रहेको खवर बारम्बार संचार माध्यमबाट समाचार सुनी रहनु हुन्

विद्यापति पुरस्कार पाउने पाँच जना स्रष्टाहरुको नाम सार्वजनिक

विन्दे यादवसुखीपुर (सिरहा) । नेपाल विद्यापति मैथिली भाषा साहित्य पुरस्कार साहित्यकार रमेश रञ्जन झालाई प्

सुखीपुरमा नेकपा एमाले र नेपाली काँग्रेस बीचको गठबन्धन विजयी

रोयाण्टर मण्डलसिरहा । सुखीपुर नगरपालिकाको नगर कार्यपालिका चुनावमा नेकपा एमाले र नेपाली काँग्रेस बीचको

सुचना तथा प्रसारण विभाग: ९७८–२०७५/७६

Copyright © 2013 / 2022 - Madheshspecial.com All rights reserved

प्रेस काउन्सिल नेपाल: २४६–२०७५/७६