घुस लिँदै गर्दा सिरहामा प्रहरी जवान रङ्गेहात पक्राउ

रोयाण्टर मण्डल / हरिपति लाल कर्ण

सिरहा / अख्तियार दुरुपयोग अनुसन्धान आयोगले सिरहामा एक जना प्रहरी जवानले घुस लिँदै गर्दा रङ्गेहात पक्राउ गरेको छ ।

बुधवार बिहानै ईलाका प्रहरी कार्यालय सुखीपुरमा कार्यरत प्रहरी जवान राजकुमार यादवले भारतबाट समान ल्याउन सेटिङ्ग मिलाई दिने भन्दै ५ हजार रुपैयाँ घुस लिदै गरेको बेला पक्राउ परेको अख्तियार दुरुपयोग अनुसन्धान आयोगका हरि प्रसाद घिमिरेले बताए ।

जवानले भारतबाट समान ल्याउन समस्या नहुने र सहज वातावरण हुने भन्दै ब्यपारीसँग घुस माग गरेको भन्ने सूचनाको आधारमा अख्तियार दुरुपयोग अनुसन्धान आयोगको कार्यालय बदिवासबाट खटेको टोलीले उनलाई सुखीपुर नगरपालिका वडा नम्बर १० दहिपौडीबाट नियन्त्रणमा लिएको अख्तियारले जनाएको छ ।
जवान यादवलाई नियन्त्रणमा लिएर थप अनुसन्धान अगाडि बढाइएको छ ।