गाउँपालिकाबाट अनुदानको बिउ पाउँदा किसानहरु हर्षित

रोयाण्टर मण्डल
सिरहा /  सिरहाको नवराजपुर गाउँपालिकामा किसानलाई अनुदानमा गहुँको बिउ वितरण सुरु भएको छ ।

गाउँ कार्यपालिकाको बैठकको निर्णयअनुसार ५० प्रतिशत अनुदानमा गहुँको बिऊ वितरण सुरु भएको हो ।

किसानहरुलाई गहुँको बिउ अनुदानमा पाएपछि गहुँ लिन आएका किसानहरु हर्षित भएको किसानहरुले बताएको हो ।

‘गत वर्ष बजारमाबाट किनेर गहुँको बिउ लगाइयो । तर, बजारमा किन्दा किसानलाई मारपर्ने महंगाई थियौं’, नवराजपुर गाउँपालिका वडा नम्बर २ का अशोक साहले भन्नुभयो , ‘अहिले गाउँपालिकाले पचास प्रतिशत छुटमा गहुँको बिउ उपलब्ध गराउँदा निकै खुसी छु । अहिले यही बिउ एग्रोभेटमा किनेको भए कति महंङ्गो पर्न जान्थ्यो । पँैसा बच्यो, आवश्यक भन्दा बढि बिउ पनि पाइयो । आगामी दिनमा पनि यस्तै कामको अपेक्षा गरेकी छु ।’

नवराजपुर गाउँपालिकाले किसानहरुलाई गहुँमा आत्मनिर्भर बनाउने उद्देश्यले यसवर्ष गाउँपालिकाभित्रै एकदेखि पाँचवटै वडाका किसानहरुलाई ८० क्वीन्टल विजय, आदित्य र गौतम उन्नत जातका गहुँको बिउ अनुदानमा उपलब्ध गराएको छ । गाउँपालिका भित्र एकदेखि पाँवटै वडाका ४० किलोको दरले २ सय किसानलाई उक्त गहुँको बिउ वितरण गरिएको नवराजपुर गाउँपालिकाका अध्यक्ष विश्वमोहन यादवले बताउनुभयो ।

वडाको सिफरिसको आधारमा उक्त उन्नत जातको मसुरोको बिउ अनुदानमा उपलब्ध गराएको हो । उक्त ४० किलो बीउको मूल्य १४ सय रुपैयाको दरले वितरण गरिएको नवराजपुर गाउँपालिकाका प्रशासकीय अधिकृत अमरेन्द्र कुसियैत बताउनुभयो ।