शीतलहरसँगै बढेको कठ्याङ्ग्रिने जाडोले दलितहरु बढी प्रभावित

रोयाण्टर मण्डल
सुखीपुर (सिरहा) / केही दिनदेखि चलेको शीतलहरसँगै बढेको कठ्याङ्ग्रिने जाडोका कारण सिरहा जिल्लाको जनजीवन प्रभावित भएको छ ।

 

चिसोले विद्यालयका बालबालिका, दैनिक मजदुरी गरेर जीविका चलाउने मजदुर र वृद्धवृद्धा तथा दलित बस्तीका दलितहरुलार्ई बढी असर पुर¥याएको छ । चिसो बढेसँगै कोल्ड डाइरिया, निमोनिया, रुघाखेकी र दम रोगका बिरामीको चाप पनि स्थानीय अस्पताल तथा स्वास्थ्य संस्थामा बढ्न थालेको सलहेश पोली क्लिनिकका डाक्टर राजदेब यादबले बताउनुभयो ।

 

बिहानैदेखि बाक्लो हुस्सुँगै चल्ने गरेको शीतलहरले चिसो बढेपछि स्थानीयवासी घरबाट बाहिर निस्कन नसक्ने सुखीपुर बजार पनि शुनसान देखिएको छ ।

आकाशमा दिनहुँ लाग्ने बाक्लो हुस्सुसँगै हुने शीतलहरका कारण आलु, प्याज, तोरीलगायतको हिउँदे बालीमा प्रतिकूल असर पु¥याएको नयाँ नेपाल साना किसान कृषि सहकारी संस्था लिमिटेड सुखीपुरका अध्यक्ष सुर्यनाथ मण्डलले बताउनुभयो ।