मृतकको पोष्टपार्टम वीपी प्रतिष्ठानमा, हत्यारा उम्काउन खोजे सरकार विरुद्ध आन्दोलन गर्ने चेतावनी

  • प्रकाशित मितिः जेठ 9, 2076
  • मधेश स्पेशल
  • 133 पटक पढिएको

धरान / पाँचथरको मिक्लाजुङ गाउँपालिका–३, आरुबोटेमा भएको हत्या काण्डा एउटै व्यक्तिबाट सम्भव नभएको भन्दैं उनीहरुको आफन्तले घट्नाको सत्यतथ्य छानविन गर्न माग गरेका छन् । दुई परिवारका ९ जनाको हत्या गरिएका परिवारका आफन्तहरुले एक जनाले मात्र यत्रो जघन्य हत्या गर्न सम्भव नभएको भन्दैं हत्यामा अन्यको संलग्न भएको आफन्तहरुले दावी गरेका छन् ।

आत्महत्या गरेका व्यक्तिलाई सबै दोष देखाएर हत्यारा उम्काउन खोजे सरकार विरुद्ध आन्दोलनमा उत्रिने मृतक परिवारकी आफन्त शान्त लिम्बुले चेतावनी दिएकी छन् ।

आज विहान ५ बजे मृतक सबैको धरानस्थित वीपी कोइराला स्वास्थ्य विज्ञान प्रतिष्ठानमा पोष्टमार्टमका लागि ल्याइएको थियो । मर्जरीमा राख्न ठाउ नभएको प्रतिष्ठानले भने पछि शव जिल्ला लगिएको थियो । उनीहरुको मागको विषयमा जिल्ला प्रहरी कार्यालय पाँचथरले सुनुवाई गर्ने इलाका प्रहरी कार्यालयका डिएसपी ढुण्डीराज न्यौपानेले जानकारी दिए ।

समयमै पोष्टमार्टम भए पनि ठूलो संख्यामा भेला भएका मृतकका आफन्तजनहरुले एक साताअघि सोही घरमा नुनमा सिसा मिसाइएको घटनाको अनुसन्धानमा प्रहरीले वेवस्ता गरेको पनि आरोप लगाए । हत्या गर्न अघि देखिको योजना भएको प्रहरीले जानकारी पाए पछि वेवास्ता गरेको मृतक परिवारका आफन्त शान्त लिम्बुले बताए ।

प्रहरी गम्भीर भएर सिसा काण्डको अनुसन्धान नगरेकै कारण पछिल्लो सामुहिक हत्याको घटना भएको मृतकका आफन्त मिक्लाजुङ–२ का प्रेमकुमार राईले बताए । सोमबार राती मिक्लाजुङ–३, आरुबोटेमा धनराज सेर्माको पाँचजना र बमकुमार फियाकको परिवारका चारजनाको हत्या गरिएको थियो । उनीहरु ज्याई ससुराको परिवार हो । उनीहरुको घरको दुरी पैदल हिडेर आदी घण्टाको फरकमा तल माथि रहेको ३ नं. वडाका वडा अध्यक्ष हस्तराज फियाकले जानकारी दिए । उनले पनि घट्नामा एउटैको मात्र संलग्नता भएको बताए । घट्नालाई गम्भीर रुपमा अनुसन्धान गरि दोषीलाई कारवाही गर्न माग गरे ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

मानकताको साम्राज्यमा मैथिली विकसित भएर यो ‘उच्च वर्ग’ भनिने केही जातको भाषा

रामभरोस कापडि भ्रमरअहिले नेपाल–भारत दुवैतर्फ मैथिली भाषाप्रतिको चिन्ता ह्वात्तै बढेको छ । भारतमा ‘

धोती लगाउन सिकाउने सत्य नरायणको देहान्त

रोयाण्टर मण्डल सिरहा । प्रथम नगरस्तरीय खिचडी महोत्सव २०७६ मा हिजो बुधवार संस्कृती बचाउन युवाहरुलाई धोती

प्रथम नगरस्तरीय खिचडी महोत्सव सम्पन्न

रोयाण्टर मण्डलसिरहा । नगर सुधार समिति सुखीपुरको आयोजना गरिएको प्रथम नगरस्तरीय खिचडी महोत्सव २०७६ सम्पन


सुचना तथा प्रसारण विभाग: ९७८–२०७५/७६

Copyright © 2013 / 2020 - Pradeshportal.com All rights reserved

प्रेस काउन्सिल नेपाल: २४६–२०७५/७६