विश्वकपको लागि क्रिश गेल उपकप्तान नियुक्त

  • प्रकाशित मितिः बैशाख 24, 2076
  • मधेश स्पेशल
  • 51 पटक पढिएको

वर्तमान विश्व क्रिकेटकै हस्ती क्रिश गेल आफ्नो अन्तिम विश्वकप खेल्दैछन् । ४० वर्ष लाग्न लागेका उनले यस विश्वकपमा वेष्ट इन्डिजको लागि उपकप्तानको भुमिका निभाउने भएका छन् ।

आगामी मे महिनाको ३० तारिख देखि इंग्ल्याण्डमा शुरु हुने उक्त ५० ओभरको विश्वकपनै गेलको अन्तिम विश्वकप हुने बताइएको छ । त्यस्तै शाइ होपलाई भने आयरल्याण्ड र बंगलादेश विरुद्धको त्रिदेशीय सिरिजको लागि उप कप्तान चुनिएको छ । विश्वकप पश्चात गेलको अनुपस्थितीमा होपले उप कप्तानको जिम्मेवारी निभाउने बुझिएको छ ।

गेलले हालसम्म २८९ अन्तर्राष्ट्रिय एकदिवसिय खेल्दै १०,१५१ रन बनाइसकेका छन् । पछिल्लो समय उनी उत्कृष्ट फर्ममा रहेको कारण पनि गेलबाट वेष्ट इन्डिजको ठुलो आशा राखेको बताइन्छ । गेल यसअघि सन् २०१० को जुन महिना सम्मको लागि कप्तान थिए ।

उपकप्तान चुनिएकोमा खुशी हुँदै गेलले भने, ‘वेष्ट इन्डिजको प्रतिनिधित्व गर्दै कुनै पनि स्वरुपको प्रतियोगिता खेल्नु मेरो लागि गर्वको विषय हो । अझ यो विश्वकप मेरो लागि विशेष छ । ’ उनले थपे, ‘टोलीको वरिष्ठ खेलाडी भएको कारण मेल्र कप्तान लगायत सबैलाई सहयोग गर्ने मेरो जिम्मेवारी हो । यो प्रतियोगिता मेरो लागि सबैभन्दा ठुलो विश्वकप हुन सक्छ । हामी पक्कै पनि वेष्ट इन्डिजका समर्थकको लागि राम्रो गर्छौैं, हामीबाट थुप्रै आशा पनि गरिएको छ । ’

विश्वकपमा वेष्ट इन्डिजको पहिलो खेल मे ३१ तारिखमा पाकिस्तान विरुद्ध रहेको छ ।
-एजेन्सी

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

वरिष्ठ बालरोग विशेषज्ञ अग्रवालको निधन

विराटनगर/ वरिष्ठ बालरोग विशेषज्ञ डा. विमल अग्रवालको निधन भएको छ। विराटनगरस्थित नोबेल शिक्षण अस्पतालमा

प्रथम स्वर्णपदक विजेता यादव मुख्यमंत्रीद्वारा ५ लाख ११ हजारले पुरस्कृत

जनकपुरधाम/ मुख्यमन्त्री लालबाबु राउतले प्रथम स्वर्णपदक विजेता अजित कुमार यादवलाई आज पुरस्कृत गर्नुभएको

बिहेका लागि घर आएका प्रहरी जवान यादबको दुर्घटनामा मृत्यू

बर्दिया/ बर्दियामा मोटरसाइकल दुर्घटना हुँदा प्रहरी जवानको मृत्यु भएको छ । गुलरिया नगरपालिका–१ खैराप


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६