एसइईको प्रश्नपत्र आउट गरेको आरोपमा पक्राउ परेका दुई प्रहरी जवान जेल चलान

  • प्रकाशित मितिः बैशाख 23, 2076
  • मधेश स्पेशल
  • 191 पटक पढिएको

राजेन्द्र महतो

लहान । गत चैत महिना मा भएको माध्यमिक शिक्षा परीक्षा( एसइई )को विज्ञान र सामाजिक विषयको प्रश्नपत्र परीक्षा अगावै आउट गर्ने कार्यमा संलग्न रहेको आरोपमा पक्राउ परेका दुई प्रहरी जवानलाई सिरहा जिल्ला अदालत ले पूर्वापक्षका लागि कारागार पठाएको छ ।

 

अदालतका न्यायाधीश गायत्रीप्रसाद रेग्मीको एकल इजलाशले प्रश्नपत्र आउट गर्ने कार्यमा संलग्न रहेको आरोपमा पक्राउ परेका प्रहरी जवान ब्रहमदेव यादव र दीपेन्द्र मण्डललाई पूर्वापक्षका लागि कारागार पठाएको हो ।

 

दुबै प्रहरी जवान इलाका प्रहरी कार्यालय कल्याणपुर सिरहामा कार्यरत थिए । त्यसै गरि ,प्रश्नपत्र सार्वजनिक गरेको आरोपमा पक्राउ परेका सप्तरीको राजविराज नगरपालिका–१० को विष्णुदेव यादव र अरोजकुमार यादवलाई जनही रु एक लाख ५० हजार धरौटीमा रिहा गर्न आदेश गरिएको सिरहा जिल्ला अदालतले बताएको छ ।

 

त्यस्तै राजविराज नगरपालिका–१६ को शिक्षक मनोज यादव, हनुमाननगर कंकालिनी नगरपालिका–१ को१७ वर्षीय राजेश यादव, सोही ठाउँका १७ वर्षीय उमेश यादव र तराकान्त इसरलाई जनही रु एक लाख धरौटीमा रिहा गर्न आदेश दिइएको अदालत ले बताएको छ । प्रहरीको केन्द्रीय अनुसन्धान ब्यूरो ९सिआईवी०का प्रहरी नायब महानिरीक्षक नीरजबहादुर शाहीको नेतृत्वको टोलीले गत चैत १४ गतेको विज्ञान र १५ गतेको सामाजिक विषयको प्रश्नपत्र प्रहरी जवान यादव र मण्डलमार्फत परीक्षा अगावै सार्वजनिक भएको भन्दै उनीहरुलाई पक्राउ गरेको थियो ।

 

पक्राउ परेकामाथि प्रहरीले सरकारी लिखत किर्ते र परीक्षा मर्यादा विपरीत कार्य सम्बन्धित मुद्दा चलाएको थियो । इलाका प्रहरी कार्यालय कल्याणपुरमा प्रश्नपत्र राखिएको स्थानबाट प्रश्नपत्र झिकेर फोटो खिची ब्रहमदेवले इमो मार्फत आफ्नो दाई विष्णुदेव यादवलाई पठाएको अनुसन्धानबाट खुलेको थियो ।

भाई ब्रहमदेवले पठाएको प्रश्नपत्र विष्णुदेवले सामाजिक सञ्जालमार्फत शिक्षक रहेका मनोजलाई प्रश्नपत्रको फोटो पठाएका थिए । त्यसपछि मनोजबाट उमेश हुँदै अन्य व्यक्ति हरु सम्म प्रश्नपत्र पुगेका थिए ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

‘‘ राम बहादुर महतोको सम्झना ’’ अभिभावक खोज्दै सुखीपुरका गरिब दलित

रोयाण्टर मण्डल गजेन्द्र बाबुको पला देखि नै मधेशबादको पक्षमा लडि रहने जिल्लाको मात्रै होईन देशभरकै पार्ट

सुखीपुरमा ट्रक दुर्घटना , सह चालक घाईते

राेयाण्टर मण्डल सुखीपुर (सिरहा) / जिराेमाईलबाट कुशहा आउदै गरेकाे  BR210G913 नम्वरकाे माल बाहक ट्रक  दुर्घटना

स्वर्गिय युवा नेता राम बहादुर महताेकाे श्रद्धाञ्जलीमा बृहत् निःशुल्क स्वास्थ्य शिविर

राेयाण्टर मण्डल सिरहा । गरिब, असाहय बिरामीहरूलाई लक्षित गर्दै सिरहाकाे सुखीपुरमा सुखीपुर बचाउ संघर्ष स


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६