राजस्व छली ल्याउदै गरेको अबैध किराना समान सहित एक जना महिला पक्राउ

राजेन्द्र महतो

लहान / सिरहा मा भारत बाट नेपाल तर्फ राजस्व छली अवैध रूपमा ल्याउदै गरेको करीब १ लाख मुल्य बराबरको किरानाका समानहरु सहित एक जना महिला लाई आज प्रहरीले पक्राउ गरेको छ।

पक्राउ परेको सिरहा नगरपालिका -१७ बस्ने ललिता देवी शाह हुन ।

प्रदेश नम्बर दुईका प्रहरी कार्यालय तथा जिल्ला प्रहरी कार्यालय सिरहाबाट खटिएको प्रहरी गस्ती टाेलिले बिशेष सूचनाकोअधारमा सिरहा नगरपालिका- ११ स्थित चोहर्वा-माडर सडकखण्डमा चेकजाँचको क्रममा भारतबाट भन्सार छली ल्याउदै गरेको करीब एक लाख मूल्य बराबरको किराना समान सहित ललितादेवी शाह लाई नियन्त्रणमा लिएको प्रहरीले जनाएको छ।

 

पक्राउ परेका समान सहित निज साहलाई आवश्यक कारवाहीको लागी सिरहा भन्सार कार्यालय सिरहा ,माडर पठाइएको जिल्ला प्रहरी कार्यालय सिरहा ले जनाएको छ।