बसपार्क १४ वर्ष बितिसक्दा पनि सञ्चालन नआउदा राजमार्गमै पार्किङ राजमार्गमै पार्किङ

  • प्रकाशित मितिः फाल्गुन 23, 2075
  • रोयाण्टर मण्डल
  • 98 पटक पढिएको

सुभेन्द्र दास
लहान । लहान नगरपालिका–३ मा निर्माण भएको बसपार्क १४ वर्ष बितिसक्दा पनि सञ्चालन नहँुदा राजमार्गमै सवारी साधन अव्यस्थित तरिकाले पार्किङ गर्न व्यवसायी बाध्य छन् ।

सम्बन्धित निकायको उदासीनताका कारण गत २०६१ सालदेखि निर्माण शुरु गरिएको बसपार्कमा अधिकांश भौतिक पूर्वाधार निर्माण सम्पन्न भइसके पनि सञ्चालन नहुँदा लामो तथा छोटो दूरीमा चल्ने बस मुख्य सडकमै पार्किङ गर्ने गरेका हुन् ।

बसपार्क सञ्चालन नहँुदा सडकमै जताततै सवारी साधन पार्किङ हुने गरेकाले सवारी साधनको आवागमनमा समस्या हुनाका साथै दुर्घटनासमेत हुने गरेको जिल्ला ट्राफिक प्रहरी कार्यालय लहान सिरहाका प्रमुख प्रहरी निरीक्षक मिलन बस्नेत बताउनुहुन्छ ।

लहान नगरपालिकाले स्थानीय निजी कम्पनी लहान ट्रान्सपोर्ट टर्मिनल म्यानेजमेन्ट कम्पनीलाई गत २०६१ सालमा बसपार्क सञ्चालन गर्न सम्झौता गरेको थियो । तर २०६२÷६३ को जनआन्दोलनपश्चात् तत्कालीन पदाधिकारीहरु हटेपछि सो निर्माण कार्य पनि बन्द भएको थियो । रु सात करोडको लागतमा बसपार्कसम्म जाने ग्राभेल सडक, काउण्टर, पसलहरु सञ्चालन गर्ने सटरहरु, शौचालय तथा प्रहरी बिट निर्माण भइसकेको निर्माण कम्पनीले जनाएको छ ।

लहानस्थित सप्तऋषि नर्सिङ होमदेखि १०० मिटर दक्षिणमा करीब तीन बिगाहा क्षेत्रफलमा निर्माण भएको बसपार्कबाट बस सञ्चालन गर्न पटक पटक पहल भए पनि बस व्यवसायीको दबाबमा अझै बस सञ्चालन नहँुदा निर्माण भएका भौतिक पूर्वाधारहरु प्रयोगविहीन भएको छ ।

“निर्माण शुरु गरेको दुई वर्षभित्रै जग्गा खरीद गरेर सडक र बसपार्कमा भौतिक पूर्वाधारहरु निर्माण गरिसकेका छौँ,” कम्पनीका सञ्चालक समितिका सदस्य विनोद साहले भन्नुभयो, “बसपार्क निर्माण भएपछि केही वर्षअघि चार÷पाँच महीना जति बसपार्कबाट बसहरु सञ्चालन भएको थियो तर त्यसपछि बस व्यवसायीको दबाबमा बन्द भएको हो ।”

नगरपालिका र आफूहरुबीच ३५ वर्षका लागि बसपार्क सञ्चालन गर्ने सम्झौता भएकाले यही बसपार्कबाट बस सञ्चालन गर्न नगरपालिकाका जनप्रतिनिधिहरुसँग पटक पटक आग्रह गरेको सञ्चालक समिति सदस्य साहको कथन छ । आफूहरुसँगको छलफलका क्रममा नगरपालिकाका प्रमुख मुनी साहले बसपार्कबाट बस सञ्चालन गर्न पहल र प्रयत्न गरिने प्रतिबद्धता जनाएको साह बताउनुहुन्छ । बसपार्कमा करीब ६०० सवारी साधन पार्किङ गर्न सक्ने क्षमता रहेको कम्पनीको दाबी छ ।

उक्त बसपार्क लामो समयसम्म पनि सञ्चालन नभएपछि लहान नगरपालिका–१ स्थित सिङ्गराहीमा नगरपालिकाले नयाँ बसपार्क निर्माण थालेको लहान नगरपालिकाका इञ्जिनीयर तथा निमित्त प्रमुख प्रशासकीय अधिकृत शत्रुधन चौधरीले जानकारी दिनुभए।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

मधेसमा फेरी जुरमुराउँदै रैथाने परिषद

बिगतमा स्वतन्त्र मधेसको नारा दिएर बिखण्डनकारी गतिविधिमा सक्रिय सीके राउतको स्वतन्त्र मधेस गठबन्धन जनमत

सुखीपुरलाई सुन्दर नगरपालिका बनाउन सर्वपक्षीय छलफल

रोयाण्टर मण्डल सिरहा / सुखीपुर नगरपालिकाले आगामी आर्थिक वर्षको बजेट निर्माणको अन्तिम तयारी थालेको छ । बज

मिर्चैयाको सनलाईट टेलर ग्राहकको अकर्षण बन्दै , २ नम्बर प्रदेशकै नमुना टेलर

मनिषा मण्डलसिरहा । जिल्लाको चल्तीको ब्यपारीक केन्द्र मिर्चैया बजार, सिरहा जिल्लाको उदयपुर, धनुषा र सप्तर


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६