तरकारी खेती गरेर छोरालाई डाक्टर पढाउँदै छोरा एचए र अर्का छोरा एम.डि.एस पढ्दै

  • प्रकाशित मितिः भदौ 11, 2075
  • 2539 पटक पढिएको

देव नारायण यादब / मधेश स्पेशल

सुखीपुर (सिरहा), ११ भदौ / ‘मैले पढ्न सकिनँ । तर छोराहरूलाई भने उनीहरूले चाहेको जति पढाउँछु’, खेतमा भन्टा, कलैरा टिप्दै गरेको अवस्थामा भेटिएका ५० वर्षीय श्री प्रसाद महतोले भने, ‘छोरा एचए र अर्का छोरा एम.डि.एस पढ्दै छन् । छोराीको कक्षा १२ सम्म अध्ययन गराई विहे गरि दिए ।’
१५ कठ्ठामा तरकारी खेती गरेको छु । घरखर्च सबै कटाएर वार्षिक नौ/दश लाख रुपैयाँ बचत हुन्छ । – श्री प्रसाद महतो ।


किसान सिरहा अनर्मा गाउँपाकिला वडा नम्बर ३ अर्नमाका हुन् । २०३६ सालमा एसएलसी पास गरेर उच्च शिक्षा पढौँ र जागिर गर्न धेरै प्रयास गरे तर गरिबीको कारण न त पढन सके न त जागिर नै पाए उनले देखेको सपना बिचमै असफल भयो । तर आफूले पढ्न नपाए पनि छोराहरूलाई भने उनीहरूले चाहेजति पढाउने र असल नागरिक बनाउने उनको लक्ष्य छ । त्यसका लागि उनी खेतीपातीमा रातदिन लागेर मेहनत गरिरहेका छन् ।


उनले तरकारी खेतीबाटै छोराहरूको अध्ययनका लागि खर्चको जोहो गर्दै आएका छन् । ‘धान र गहुँ रोपेर कुनै फाइदा छैन, एक बिघामा धान लगाउँदा जति आम्दानी हुन्छ त्यति आम्दानी त तीन कठ्ठाको तरकारी खेतीबाट हुन्छ’, महतोले भने, ‘वर्षमा एक बाली मात्रै धान लगाउँछु, बाँकी तीनचार बाली तरकारी खेती गर्छु ।’
तरकारी खेतीकै आम्दानीबाट घरपरिवारको खर्च र छाेराहरूको पढाइको खर्च जोहो भइरहेको उनले बताए । ‘अहिले १० कठ्ठामा भण्टा (बैगन) रोपेको छु, ३ कठ्ठामा कलेेेला, २ कठ्ठामा विकाशे ओल र साग लगाएको छु’, उनले भने, ‘खेतीपातीमा लाग्ने र घरखर्च सबै कटाएर वर्षमा नौ लाख रुपैयाँ बचत हुँदै आएको छ ।’


५ सदस्य रहेको महतोको परिवारमा काम गर्ने मुख्य व्यक्ति र घरमूली उनी नै हुन । दुईजना छोराको पढाइमा वर्षमा ४ देखि ५ लाख रुपैयाँ खर्च हुने गरेको उनको भनाइ छ । ‘भर्खर तीनचार लाख रुपैयाँ तिरेर सानो छोरालाई भारतको बगलौर एम.डि.एसमा भर्ना गरेको छु, बगलौलमा पढ्दै छ’, उनले भने । मेहनत

 

भए र जाँगर चलाउन सके आफ्नै गाउँठाउँमा रोजगारीको प्रशस्त अवसर रहेको उनी बताउँछन् । मेहनत गर्ने हो भने परिवारको छत्रछायाँमै बसेर खेतीपातीबाटै राम्रो आम्दानी गर्न सकिने उनको भनाइ छ । ‘विदेशमा गएर १८ घण्टा काम गर्नुको साटो आफ्नै खेतमा चारपाँच घण्टा मात्र काम गर्ने हो भने प्रशस्त कमाउन सकिन्छ, मैले कमाएको छु पनि’, उनले भने ।


श्री प्रसादले गरेको तरकारी खेतीबाट राम्रो आम्दानी हुन थालेको देखेर गाउँका अरू युवाले पनि सिको गर्दै तरकारी खेती गर्न थालेको उनले बताए । ‘अल्छी गरे भने त कही गए पनि कमाउन सकिँदैन, तर मेहनत गर्याे र जाँगर चलायो भने आफ्नै खेतमा सुन फलाउन सकिन्छ’, उनले भने, ‘खेतमा उत्पादन हुने तरकारी म आफै बजारमा लगेर बेच्छु ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

वरिष्ठ बालरोग विशेषज्ञ अग्रवालको निधन

विराटनगर/ वरिष्ठ बालरोग विशेषज्ञ डा. विमल अग्रवालको निधन भएको छ। विराटनगरस्थित नोबेल शिक्षण अस्पतालमा

प्रथम स्वर्णपदक विजेता यादव मुख्यमंत्रीद्वारा ५ लाख ११ हजारले पुरस्कृत

जनकपुरधाम/ मुख्यमन्त्री लालबाबु राउतले प्रथम स्वर्णपदक विजेता अजित कुमार यादवलाई आज पुरस्कृत गर्नुभएको

बिहेका लागि घर आएका प्रहरी जवान यादबको दुर्घटनामा मृत्यू

बर्दिया/ बर्दियामा मोटरसाइकल दुर्घटना हुँदा प्रहरी जवानको मृत्यु भएको छ । गुलरिया नगरपालिका–१ खैराप


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६