आफूले चलाएको सवारीबाट सामान चोरिएपछि जेल २८ महिने जेल जीवनबाट मुक्त हुँदै प्रेमबहादुर

  • प्रकाशित मितिः श्रावण 19, 2075
  • नमीन ढकाल
  • 59 पटक पढिएको

इलाम/ २८ महिनादेखि साउदी अरबमा जेल जीवन बिताइरहेका माई–४ शुक्रबारेका प्रेमबहादुर राई (राजु) रिहा हुने भएका छन् ।

परराष्ट्र मन्त्रालय र नेपाली राजदूतावास मार्फत् कम्पनीले तोकेको बिगो रकम भुक्तान भएपछि राई नेपाल फर्कने भएका हुन् । उनले चलाएको लरीले बोकेको केवल तार चोरी भएपछि सो बापतको क्षतिपूर्ति ३ लाख १० हजार रियाल (नेपाली ९५ लाख रुपैयाँ) भुक्तान नगरी नेपाल फर्कन नदिने अडान राखेर कम्पनीले मुद्दा हालेपछि उनी साउदी जेलमा कष्टकर जीवन बिताइरहेका थिए ।

रियादस्थित नेपाली राजदूतावासको समन्वय र प्रेमको रिहाइको लागि रियादस्थित सहयोगीको सक्रियतामा बिगो रकम साउदी रियाल १ लाख ५० हजार (नेपाली रुपैयाँ ४३ लाख ३ हजार ५ सय) बुझाइएको प्रेम बचाआँैं अभियान मूल समितिका संयोजक चन्द्र कुलुङ राईले जानकारी दिए ।

प्रेम साउन २० गते (५ अगष्ट) आइतबार बिहान साउदी अरबको समयअनुसार ६ बजे दिल्ली हुँदै नेपाल फर्कने कुलुङले जानकारी दिए । ‘प्रेम बचाऔँ’ अभियानका लागि देश विदेशमा समिति एवम् उपसमिति बनाएर सहयोग रकम संकलन गरिएको थियो । प्रेमको रिहाइपछि बाँकी रहेको अन्य रकम विपतमा परेकालाई सहयोग गरिने भएको छ ।

कुलुङले भने, ‘प्रेमलाई सकुशल घर फर्काएपछि बाँकी रहेको रकम प्रेमजस्तै वैदेशिक रोजगारमा गई आपतविपतमा परेकालाई सहयोग गर्नमा प्रयोग गर्ने निर्णय समितिको कार्यविधिमा नै स्पष्ट गरिएको छ । बाँकी रहेको रकम हामी पत्रकार सम्मलेन गरेर नै सार्वजनिक गर्नेछौँ ।’ प्रेमको रिहाइको लागि साउदीस्थित नेपाली राजदूत महेन्द्रसिंह राजपुतले अल सहलावी होल्डिङ कम्पनीका मालिकलाई भेटेर रिहाइ गरिदिन माग गरेका थिए ।

श्रीमान् चाँडै फर्किने भएपछि खुशी लागेको श्रीमती सरिता राईले बताइन् । उनले भनिन्, ‘आर्थिक र मिडियाको सहयोगले प्रेम फर्किने हुनुभएको छ । शुरुशुरुमा दूतावास र सरकारबाट पहल नहुँदा फर्किनुहुन्न कि भन्ने लागेको थियो । तर अहिले भने सबैको सहयोग पाइयो ।’

प्रेमको रिहाइको लागि २०७३ असारबाट नै पहल थालिएको थियो । तर बिगो रकम नबुझाई रिहाइ नहुने भएपछि प्रेम बचाऔँ अभियान समिति बनाएर १ वर्षअघिबाट नेपाल इन्भेष्टमेन्ट बैंकमा खाता खोलेर सहयोग रकम संकलन गर्न शुरु गरिएको थियो ।

यसरी पुगेका थिए साउदी जेलमा
सन् २०१२ जुन १२ मा क्राउन इन्प्लोइमेन्ट प्रालि काठमाडांैबाट साउदी अरबको रियादस्थित अल सहलावी होल्डिङ कम्पनीको गाडी (लरी) चालकको रूपमा उनी साउदी गएका थिए । सन् २०१५ सेप्टेम्बर ४ मा घर आई २०१६ जनवरी १ मा दिन उनी सोही कम्पनीमा कामका लागि गएका थिए ।

२०१६ मार्च ३१ का दिन लरीमा सामान लिएर जाँदै गर्दा कम्पनीबाट १० किलोमिटर टाढा रियादको जनदिया पुगेपछि प्रेमबहादुर गाडी पार्किङ स्थलमा रोकी साथी भेट्न गएका थिए । साथी भेटेर फर्किँदै गर्दा पार्किङ गरेको ठाउँमा गाडी नभेटेपछि कम्पनीलाई जानकारी गराएका थिए । गाडी हराएको २ दिनपछि अगाडिको सिसा फोरिएको अवस्थामा रित्तो ट्रक जनद्रियाबाट १० किमी टाढा रोमा भन्ने स्थानमा फेला परेको प्रहरी रिपोर्टमा उल्लेख गरिएको छ ।

कम्पनीले आफूहरूले निर्देशन दिएको बाटो बदलेको र १३ घण्टा सडकमा बिताएको भन्दै चालक दोषी रहेको दाबी गर्दै अदालतमा मुद्दा हालेको थियो । अदालतले तोकेको २ महिना कैद र ५० कोर्राको सजाय भोगेर नेपाल आउने तयारी भइरहेको बेला कम्पनीले पासपोर्ट नदिई पुनः मुद्दा हालेर ३ लाख १० हजार रियाल (नेपाली ९५ लाख) क्षतिपूर्ति दाबी गरेको थियो । क्षतिपूर्ति बुझाउन नसक्दा उनी २८ महिनादेखि साउदी प्रहरीको नियन्त्रणमा थिए ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

कालोपट्टी बाँधेर स्थानीय तहको कर्मचारीहरुले गरे कामकाज ठप्प

सुखीपुर समाचारदातासुखीपुर (सिरहा) / स्थानीय तहका कर्मचारीहरुले ‘कर्मचारी समायोजन अध्यादेश’को विरोधम

अध्यादेशविरुद्ध कर्मचारीहरुले आफनै कार्यालयको मुलगेटमा धर्ना

रोयाण्टर मण्डल सुखीपुर (सिरहा) / सरकारले हालै जारी गरेको कर्मचारी समायोजन अध्यादेशविरुद्ध स्थानीय तह कर्

मिशन मधेशमा कसिसले सुपर छवी प्रस्तुत गर्दैछीन्

लहान,  । विगतमा भएको शोषण दमन र मधेश आन्दोलनलाई समेटिएर चित्रण गर्दै निर्माणमा रहेको मिशन मधेशको फाइट र क

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६