औषधी बिक्रीमा मनपरी नक्कली मूल्य र लेबल टाँसी अवैध औषधी बिक्री गर्ने पक्राउ

  • प्रकाशित मितिः श्रावण 15, 2075
  • मधेश स्पेशल
  • 92 पटक पढिएको

विराटनगर/ अवैध रूपमा भारतबाट औषधी भित्र्याएर नक्कली मूल्य टाँसी विराटनगरका औषधी पसललेले बिक्री गरेर बिरामीको स्वास्थ्यमाथि खेलबाड गर्ने गरेको खुलेको छ ।

अवैध औषधीमा मूल्य तथा उपभोग्य मितिसहितको लेबल टाँसिरहेको अवस्थामा सुनसरीको धरान–४ का जीवन अग्रवाललाई प्रहरीले पक्राउ गरेपछि नेपाली बिरामीमाथि अस्पतालमा मनपरी हुने गरेको पुष्टि भएको छ ।

अग्रवालबाट नक्कली बिल, औषधीमा टाँसिने लेबलहरू र अन्य शंकास्पद कागजातसमेत नियन्त्रणमा परेका छन् । अति आवश्यकीय औषधी अवैध रूपमा भित्र्याउने र आफैं मूल्य टाँस गरी बिक्री गर्ने गरेको देखिएको छ ।

अग्रवाललाई नियन्त्रणमा लिएपछि उनको बयानका आधारमा विराटनगर अस्पताल र म्याक्स अस्पतालका फार्मेसीबाट औषधीसहित दीपककुमार राय र महुली फार्मेसीका प्रशान्तकुमार चौधरीलाई नियन्त्रणमा लिइएको छ ।

विराटनगरको लङलाइफ फार्मेसी, महुली फार्मेसी, लाइफ सपोर्ट फार्मेसी, फेमिली फार्मेसी र मेडिप्लस फार्मेसीबाट यस्तो धन्दा चल्दै आएको खुलेको छ । आइसियु लगायतमा प्रयोग हुने औषधी नियन्त्रणमा लिइएको मोरङका प्रहरी उपरीक्षक मनोज केसीले जानकारी दिएका छन् ।

आकस्मिक उपचारका लागि जरुरी पर्ने विभिन्न ६६ प्रकारका औषधी ३ हजार ४४ थान र ९ सय ७१ बट्टा बरामद गरिएको प्रहरीले जनाएको छ । औषधी व्यवस्था विभागमा अनुसन्धानका लागि बरामद गरिएको औषधी पठाइएको प्रहरीको भनाइ छ ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

कालोपट्टी बाँधेर स्थानीय तहको कर्मचारीहरुले गरे कामकाज ठप्प

सुखीपुर समाचारदातासुखीपुर (सिरहा) / स्थानीय तहका कर्मचारीहरुले ‘कर्मचारी समायोजन अध्यादेश’को विरोधम

अध्यादेशविरुद्ध कर्मचारीहरुले आफनै कार्यालयको मुलगेटमा धर्ना

रोयाण्टर मण्डल सुखीपुर (सिरहा) / सरकारले हालै जारी गरेको कर्मचारी समायोजन अध्यादेशविरुद्ध स्थानीय तह कर्

मिशन मधेशमा कसिसले सुपर छवी प्रस्तुत गर्दैछीन्

लहान,  । विगतमा भएको शोषण दमन र मधेश आन्दोलनलाई समेटिएर चित्रण गर्दै निर्माणमा रहेको मिशन मधेशको फाइट र क

Madhesh Special
Facebook Group · 141 members
Join Group
 

सुचना तथा प्रसारण विभाग: ९७८–२०७५/७६

Copyright © 2013 / 2018 - Pradeshportal.com All rights reserved

प्रेस काउन्सिल नेपाल: २४६–२०७५/७६